Inatsisartuni pisortaq inatsisilerinermut pisortaalerpoq

Inatsisartut pisortarisimasaat Nikolaj Sørensen Namminersornerullutik Oqartussani pingasunngornermi inatsisilerinermik pisortanngorppoq.

Inatsisilerinermut pisortap nutaap suliasaasa siullersaasa ilagissavaa inatsisilerinermut allaffimmi issiaviit inuttaqanngitsut inuttassarsiuunnissaat. Maannakkorpiaq fuldmægtigi taaseq kisimi atorfeqarpoq, kisianni taassuma allaffik oktobarip naanerani allaffik qimassavaa, taamak naalakkersuisut allattoqarfianni pisortaq Jørn Birk Olsen sermitsiaq.gl-imut ilisimatitsivoq.

Pisortap nalilerpaa piffissaq sivikitsoq eqqarsaatigalugu inatsisilerituut marluk atorfissaqartinneqartut, naak atofilinnik tallimanik inuttaligassatut aalajangersaavigineqarnikuugaluartoq. Allaffeqarfimmi immikkoortortaqarfinni allani inatsisilerituunik amigaateqarneq Inatsisilerinermut immikkoortortaqarfimmi suliassakinnerulersitsivoq, Jørn Birk Olsen nassuiaavoq.

Powered by Labrador CMS