Skip to main content

Narsami utoqqaat akerliussutsimik takutitsisut

Nunat tamat oktobarip 1-iani Utoqqaat Ulluanut atatillugu Utoqqaat arlaqartut akerliussutsimik takutitsipput.

Akerliussutsimik takutitsilluni ingerlaaqatigiinneq utoqqaat ornittagaanniit kommunip allaffianut ingerlavoq, tassani borgmester Kiista P. Isaksen kommunip naatsiiviani kaffillerlunilu, tiillerlunilu kaageerallerpoq.

Utoqqaat kujataani kommuunerujussassami utoqqarnut politikkip Narsami innuttaasut utoqqartaasa atugaasigut ajorseriaateqarnissaanik ernumanertik saqqummiuppaat.

Tassunga atatillug borgmesterip oqaatigaa kommunerujussuup utoqqarnut politikkissaa akerliussutsimik takutitsisut oqaaseqartartuannut inatsisartunut ilaasortaasimasumut Narsamilu ukiorpassuarni borgmesteriusarsimasumut fru Agnethe Nielsenimut nassiukkumaarlugu.

Akerliussutsimik takutitsisut utoqqalinersiutit qanittukkut qaffanneqarnerat nuannaarutigalugu oqaatigaat, kisianni aamma qaffaat taanna inuussutissat akiinit suli qaffakkaluttuinnartunit, ineqarnermut akiliutinit kiassarnermullu uuliap akitsorneranit ilanngarterneqarluareersut.

Taamaattumik siunnersuutigaat akitigut qaffaanerit illuatungilerniarlugit utoqqalinersiutiminnit isertitatigut akileraarutit appartinneqarsinnaanissaat siunnersuutigaat.

Aamma utoqqalinersiutit suli nalikinnerulernissaminnut tunngavilersorluakkamik ernumanertik oqaatigaat, tassa utoqqarnut aningaasat akiligassat akilereerlugit atugassatut tunniunneqartartup kommunini pisoqqarni pingasuusuni atuuttut kommunerujussuaq qaammatialunnguit qaangiuppata atuutilerpat nalimmassarneqarnissaanni appariaqqinnissaa.

Narsami utoqqalinersialimmut kisimiittumut ilanngaatissat peereerlugit atugassanngortitat 4.200 kr.-iuvoq, Qaqortumi taamaattoq 3.000 kr.iulluni, Nanortalimmilu 2.750 kr.-iulluni.

Taamaattumik utoqqaat ukiup tullissaani utoqqalinersiamik appariarujussarnissaat ernummatigaat, taamalu inuuniarnermut atukkaminni malunnartumik ajorseriaateqarnissartik, immaq qaammammut 1.000 kr.-nit tikillugit.

Borgmesterip ajuusaarluni toqqissisarsinnaanngilai, ikaarsaariarnermut ataatsimiitsitaliami isumaqatigiinniarnerit suli ingerlammata, kisianni kissaataasa ikaarsaariarnermut ataatsimiitsitaliamut ingerlateqqinnissaat neriorsuutigaa.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER