Biilertut unngersaasalertarput
Qaqortumi annertuumik paasititsiniaanerup biilimik ingerlatitsisut unngersaasalernissaannik eqqaasittarpaat.
Angallannermut inatsisit oktobarip 1iani atuutilernissaat ullormik ataatsimik sioqqullugu Qaqortumi politiit aqqusinermi biilertut unngersaasat atisarnissaannik eqqaasittaqattaarpaat.
Politeeqarfimmi pisortaq Jack Hansen naapertorlugu paasititsiniaaneq iluatsilluarsimavoq.
– Inuit biilimik ingerlatitsitillugit massakkut mobilimik oqaluussinnginnissaq unngersaasallu atinissaat nalunngilaat. Tamanna oktobarip 1iani biilertunik misissuinitsinni takusinnaavarput, Jack Hansen sermitsiaq.glimut oqarpoq.
Nuummi, Sisimiuni Ilulissanilu biilimik ingerlatitsisut iluatsitisimapput. Illoqarfinni taakkunani suli misissuisoqarsimanngilaq. Illoqarfinni taakkunani politiit utaqqimaarnissaq isummiussimavaat, taakkunani biilinik ingerlatsitsisut inatsisinut nutaanut sungiussiniaqqaarnissaannut periarfissaqartariaqarmata.