Akkarip imamit sakkortuumik isornartorsiorpai
Danskit netimi aviisianni arabiamiutut oqaasilimmi Akhbar.dk-mi allaaserisakkut imamiusimasoq Ahmed Akkari allappoq, nammineq islamistit pisuusaartut Myhammedimik ajornartorsiorneq atorlugu imminnut qaffassartut qimanniarlugit Kalaallit Nunaannut nuussimalluni, fr.dk allappoq.
- Imatut isikkoqarsorinarpoq arlaat manna atorluarlugu sumi arlaanni pingaarutilimmi inissiffissarsiorfigissallugu torrattuusoq. Imaluunniit ataatsimut eqqarsaatiginagu imminuinnaq eqqarsaatiginerusimalliuni. Tamannalu uanga inooqataaffigisinnaanngilaq nipangiusimaannarsinnaanagulu, Ahmed Akkari P1 Morgen-imi oqarpoq.
Taassuma oqaatigaa imamit atiisigut taaneqanngitsut imminnut iluaquserniarlutik titartakkat 12it atorsimagaat sulilu atorlugit.
- Taamaaliornermikkut inuit sinniisuuffigisatik uukapaatippaat, kisiannili aamma attaveqarfinnik pitsaasunik pilersitsillutik. Taamaappoq maaniuppat allamiippalluunniit Danmarkimiippata nunani allaniikkaluarpataluunniit, Ahmed Akkari P1 Morgen-imi oqarpoq.
Taanna nassuiaavoq, nammineq allaaserisakkut muslimit Danmarkimiitttut paasissagaat, aqutsisutik isertuussamik siunertaqarlutik pisut.