Skip to main content

Qinngutsinnut aqqusineq atoqqaartinneqarpoq

Qinngutsinnut aqqut nutaaq ullumi atoqqaartinneqarpoq. Ateq Borgmesterip Anniitap Aqqusernga Agnethe Davidseniugaluamut atsiussaavoq.

Aqqusineq Nuummi borgmesteriusimasoq Agnethe Davidseniugaluaq atsiullugu ammarneqarmat siallersorsuuvoq. Qinngutsinnut aqquserngup nutaap ammarneqarneranut atatillugu najuuttut amerlaqaat. Biilit tulleriiaaginnavipput, Qinngorpumut aqqusinertaakkut ingerlaqqaartunut siullernut ilaaniarlutik.

Nuup maannakkut borgmesteriata Nikolja Heinrichip qilerut qiorpaa, Agnethe Davidseniugaluup ernutaa peqatigalugu.

Nuup borgmesteria aamma Teknikkeqarnermut Avatangiisinullu ataatsimiitsitaliami siulittaasoq Karen M Lynge oqalugiartuupput.

- Qinngutsinnut aqqut pilertornarlunilu toqqaannartuuvoq. Piffissamik ikummatissamillu sipaarfiuvoq.Taamalu aamma Qinngutsinnut busserutta biilinilluunnii ingerlagutta avatangiisinut mingutsitsinannginnerulluni, Karen M. Lynge oqalugiarnerminni ilaatigut taamak oqarpoq.

Nuup Kommunea piareersarsimalluni najuuttunut kaffillerlunilu sodavandillerlunilu pullattakkanik agguaavoq. Biilit nalunaaqutaq 15.00 Borgmesterip Anniitap Aqquserngatigut ingerlaarsinnaalersinnagit 1 tiimi sioqqullugu timigissarnermik nuannarisallit aqqusinikkut arpatsinneqarput.

– Aqquserngup sananiarnera sivisusimavoq, kisianni kommunalbestyrelsip siumut isigisuusimanera borgmester Agnethe Davidseniugaluullu aalajangiillaqqissusia iluaqutigalugu politikkikkut siunniussat aalajangiusimaneqarsinnaasimapput. Taamaattumik aqqusineq Borgmesterip Anniitap Aqqusernganik ateqassaaq, taamak borgmester Nikolja Heinrich oqalugiarnermini oqarpoq.

Erinarsoqatigiit NIPE erinarsuut ukiarsiut tupersuarmi naluttarfiup Maliup eqqaani napparneqarsimasumi atorpaat. Aamma Nuummi Qatserisartut biilitik tamaasa nittarsaallugit aqqusinertaakkut ingerlaartippaat.

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER