Skip to main content

ATTAT matulerpoq

Ilisimatusarfiup internetikkut ingerlatsivik ATTAT - ilaatigut nuna tamakkerlugu atuartut akornanni mailikkut attaveqaataasartoq - aningaasalersorsinnaajunnaarpaa.

Ilisimatusarfiup siulersuisui Nuummi 2008-mi septembarip 29-iani 30-ianilu ataatsimiipput, taakku ilaatigut 2009-mut aningaasaqarnikkut missingersuusiat oqaluuseraat. Tassanilu paasineqarpoq atuarfiit paasissutissatigut attaveqaataat ATTAT aningaasalersuinnassallugu ajornakusooraluttuinnartoq, taamak Ilisimatusarfiup siulersuisui tusagassiorfinnut nalunaarummi nalunaaruteqarput.

ATTAT internetikkut ingerlatsiviuvoq Kalaallit Nunaat tamakkerlugu ungasissumiit atuartitsinermut internet atorlugu ilinniartitsinermut, atuartitsinerup iluani videokonferencemut aammalu nuna tamakkerlugu atuartut akornanni mailikkut attaveqartarnerannut qularnaarutaasoq. Ingerlatsivik aamma atuarfeqarfik tamakkerlugu akissarsiaqartitsisarnermut ingerlatseriaatsimik aammalu Kalaallit Nunaanni pisortaniit ilinniarnersiuteqarnermut tapiissutit aqunneqarnerannut ingerlatsinermik imaqarpoq.

Ilisimatusarfiup ATTAT ilisimatusarfiup aningaasaqarnikkut ingerlanera akornusissanngippagu ingerlateqqissinnaanngilaa, taamaattumik siulersuisut allamik periarfissaarupput qarasaasiaqarnikkut ingerlatsivik 2009-mi kvartalip siullip kingorna matussallugu.

– ATTAT Kalaallit Nunaanni interneti atorlugu atuartitsinermut tunngavittut atortuummat ATTATip siunissaa ilinniartitaanikkut politikkimit aalajangerneqartussaavoq. Ilisimatusarfiup siulersuisuisa kaammattuutigaat, ATTATip paasissutissanik assartuisarneranut aningaasartuutai KNRip radiokædeanut assingusumik immikkoortinneqarnissaat, nsiulesuisut allapput.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER