Skip to main content

Kunngissap Qaanaaq ernumagaa

Silap pissusiata allanngorarnera Qaanaami piniartuunermut ulorianartorsiortitsinerpaajunngilaq. Kitaamiut inooriaasiat piniartuunermut ulorianartorsiortitsineruvoq, Kuunngissaq Frederik JyllandsPostenimut oqarpoq.

Kunngissap isertuutinngilaa Thulemiut Inughuit nuannarisuugamigit, 2004-milu julimi nuliilu Mary Kalaallit Nunaanni angalanerminni takoqqikkamigit nuannaarnermik qullipinngitsuunngilaq.

JyllandsPostenip kunngissaq apersorsimavaa tassanilu Qaanaami ineriartorneq ernumanartoqartillugu oqaatigalugu, tassaniissimagami piffissami sivisujaani 1999-ip naalnerani 2000-imilu, Sirius 2000 ekspeditionimut atatillugu.

– Qaanaap eqqaanik misigisaqarfigisimasattut pinngortitaq suli nunap inoqqaavisa inuunerannik unitsitsinngilaq. Inuuniarnermi atugassarsiast allanngornerannut kitaamiut inooriaasiat taamatuttaaq pisuussuteqartigaaq. Tamatumanilu pingaaruteqarnerpaat ilagaat kalaallit angerlarsimaffiini aamma piumasarineqarmat qitornat sivikinnerpaamik ukiuni qulingiluani atuassasut. Qangatut nukappiaqqap angumminik qanimut peqateqartarnera atorunnaarsimavoq, pissutigalugu taanna atuassammat. Piniartuulernissamut periutsinik ilinniartinneqarunnaarpoq, taamaasillunilu pissutsit siusinnerusutut imaasiallaannaq kingornunneqarneq ajorput, kunngissaq JyllandsPostenimut oqarpoq.

Piniartuunermik kulturi kitaani inooriaatsimik taarserneqarnissaanik ulorianartorsioraluartoq kunngissap qularutiginngilaa kalaallit kulturiat tammarnavianngitsoq. Qallunaanut angajoqqaanut soqutiginassagaluarpoq qitornatik Kalaallit Nunaat pillugu oqaluttuuttuuppatigit, kunngissaq oqarpoq.

– Piumasarineqarsinnaanngilaq qallunaat angajoqqaat qitornatik tupilannik oqaluttuanik oqaluttuutissagaat, meeqqalli atuarfianni atuartitsinermi ullunik sammisaqartoqartarpoq, Kalaallit Nunaata Savalimmiullu sammineqarnissaat pitsaalluinnartuulluni, nunat taakkua marluk taamatut qanitsigisumik attaveqarfigigatsigit. Oqaluttualiallu oqaluttuareqqinnerisigut nunat kulturi paasisaqarfigineqarsinnaalluarput. Oqaluttualiallu ilinniarfigineqarnissaasa saniatigut oqaluttuat nuannersuupput quianartuullutillu, Kunngissaq Frederik oqarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER