Skip to main content

Akkari: Kalaallit Nunaaliaritsi

Ulluni makkunani Kalaallit Nunaanni ilinniartitsisut ilisimaneqarnersaat Ahmed Akkari allakkatigut ammasutigut allappoq ilerasuuteqarani Narsallu Atuarfiani sulinini nanginniarlugu.

Ahmed Akkarip Kalaallit Nunaannut tikinnera ulluni makkunani Sermitsiap nittartagaani allaaserisani oqaaseqarfigineqarnersaavoq. Oqaluttuap ataatsinngormat ualikkut saqqummiunneqarneraniilli sisamanngornerup tungaanut tamatumunnga oqaaseqaatit 143-uusimapput.

Maanna Ahmed Akkari oqallinnermut akuleruppoq erseqqissaatigalugu Narsamut qimaasimanani.

– Isumaqarnersut-uku oqaatigisamittut ittuusimagaluaruma atuarfiup atorfinitsitsimassagaluaraanga? Asuli aalassitsitsiniarsaripput, inuillu piviusorsiortut tamakkua soqutiginavianngilaat, Ahmed Akkari allakkatigut ammasutigut allappoq.

Taanna oqarpoq Kalaallit Nunaannukarnissaminik aalajangernini peqqissimissutigisimanagu oqaluttuarlunilu Nasami tikilluaqquneqarluarsimalluni.

– Nunani allani inuit tamaasa Kalaallit Nunaaliaqquakka misiginiarlugu inunnik allanik naapitsineq qanoq innersoq - inunnik inukuloqanngitsunik, sermersuarmik minguilluni qaqortuinnarsuarmik, illutsigut qanoq minguitsigisariaqarnitsinnik minguitsumillu siunertaqarnermut ilisarnaataasumik naapitsiartoqqullugit, Ahmed Akkari oqarpoq.

Ahmed Akkarip allagai ammasut talerpia´tungaani tigusinnaavatit, allakkallu Sermitsiami tallimanngormat saqqummersumi aamma ilaapput.

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER