Skip to main content

GTE-mi sulisoq angusarinnerpaasoq

Kalaallit Nunaanni nunanut allanut unammisartut arnat siuttorisimasaat Ella Grødem maanna GTE-mi sulisoq Handelshøjskole-mi ilinniarnini 12-talerluni naammassivaa.

Franskit Kalaallit Nunaat takornariarfissatut soqutiginninnerat pillugu immikkut allaaserinninneq angusarissaarutaavoq.

Ella Grødem maanna Kalaallit Nunaanni Takornariaqarnermut Inuussutissarsiornermullu Siunnersuisoqatigiinni nittarsaassinermut ataqatigiissaarisutut atorneqartoq Århusimi Handelshøjskole-mi cand. Linc. Merc-imut ilinniarnermini soraarummeerutitut immikkut allaaserinninnermini karakteriminik nassiteqqammerpoq. Karakterit qaffasinnerpaavat pissarsiaraa, immikkut allaaserinninnermini Frankrigi Kalaallit Nunaanni takornariaqarnermi nittarsaassivissatut periarfissatut aallaavigalugu misissuilluni allaaserisimagamiuk.

Franskit 1,6 millionit periarfissaapput
Ulluni makkunani sammineqartut annersaata silaannaap allanngoriartornerisa Kalaallit Nunaata nunarsuaq tamaat tusaamasaassutigilersimavaa, qeqertarujussuaq taanna silaannaap allanngoriartornerinut saqqummersitsiviit igalaavattut atorneqarmat..

Ella Grødemip misissuinerata takutippaa, franskit 14 procentit missaasa ukiut tulliuttut tallimat ingerlaneranni Kalaallit nunaat feeriarfissatut takorlooraat.

– Taamungaannaq tigusinikkut misissuinera naapertorlugu franskit 1,6 millionit missaannut naatsorsuuppara. Kisianni oqaasiinnarniit iliuuseqarsinnaanermut aqqut takivoq. Aporfiit annerpaartaasa tupaallannanngitsumik ilagaat Kalaallit Nunaannut angalanermi billetit akisunerujussuat. Tamanna akiorniartuaannarsimavarput. Taamaattumik pingaaruteqarpoq, akit ilumut appariartorneri pillugit siammarterinissaq.

Annerusumik atuarsinnaavutit Sermitsiami tallimanngornermi saqqummersumi.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER