Skip to main content

Ataatsimeersuarneq oqaluttuarisaanikkut pingaarutilik

–Angajoqqaarsiat nunanit avannarlerneersut ataatsimeersuarnerat Kalaallit Nunaannut siuariarneruvoq, naalakkersuisunut ilaasortaq Aqqalu Abelsen oqarpoq.

Ilaqutariinnermut Peqqinnissamullu naalakkersuisut ataasinngormat ataatsimeersuarneq "Nunani avannarlerni qitornarsiaqarnermik misilittakkat" ammarpaa, Nuummi qitornarsiallit Peqatigiiffiannit (PLF-Nuuk) aaqqissuunneqartoq Nordic Forster Care Association (NOFCA) suleqatigalugu. Ataatsimeersuarneq ingerlanneqarpoq Katuap inersuaaraani marlunngornerullu tungaanut ingerlanneqassalluni.

Ammaanersiorluni oqalugiarnermini naalakkersuisunut ilaasortap ataatsimeersuarnerup ingerlanneqarnera nuannaarutiugalugu oqaatigaa:

– Ataqqinaatitut isigaara ataatsimeersuarnermi matumani peqataasinnaagama, nunami maani ataatsimeersuarnerit taamattut siullersaanni, qitornarsiallillu peqatigiiffiannit aaqqissuunneqartumi. Pisoq oqaluttuarisaanikkut pingaaruteqarpoq, nunatsinnullu siuariarnerujussuuvoq angajoqqaarsiat nunanit avannarlerneersut ataatsimeersuarnertik maani ingerlammassuk, Aqqalu Abelsen oqarpoq.

Ilanngullugug PLF-Nuuk nersualaarpaa:

– Annertoorujussuarmik suliniuteqarnersi nersualaarusuppara. Qulatutigineqassanngilaq ilungersortumik suliniuteqarnersi kikkunnit tamanit maluginiarneqarsimammat tusaaniarneqarsimallunilu. Nersualaartariaqarpusi, Aqqalu Abelsen oqarpoq.

PLF-Nuuk-mi siuilttaasup ataatsimeersuarneq sioqqullugu oqaatigisimavaa pakatsissutigalugu Inatsisartut Ilaqutariinnermut Ataatsimiititaliaat peqataanngimmat, Danmarkimut paasisassarsiorluni angalanini pissutigalugu. Ataatsimeersuarnermili partiit tamarmik aallartitaqartut knr.gl-ip nalunaarutigaa.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER