Skip to main content

Mittarfissuit nutaat Air Greenlandip akerlerai

Kalaallit Nunaata mittarfissuit sisamat pisariaqartinngilai, Nuummi Ilulissanilu mittarfiit tallineqarnissaannik pilersaarutit pillugit timmisartortitseqatigiiffiup pisortaanera oqarpoq.

Nuummi Ilulissanilu mittarfiit Kangerlussuarmi Narsarsuarmilu mittarfittut mittarfissuanngortillugit 1799 meterinut tallineqarnissaannik inatsisartuni siunnersuut Air Greenlandip mianersoqqussutigaa. Mittarfiit taakkua ullumikkut mittarfituaapput timmisartunit Boeing-init Airbus-inillu miffigineqarsinnaasut.

– Isumaqarpugut pingaarnerusutut isigalugu Kalaallit Nunaanni inuit ima ikitsigisut sisamanik mittarfissuaqarnissamut tunngavissaqarani, pisortaaneq Michael Binzer KNR-imut oqarpoq.

Pisortaanerup siulittuutigaa nunap sinnerata timmisartuussiffigineqarneranut ajortumik kinguneqassasoq Nuummi Ilulissanilu mittarfiit tallineqarpata.

– Kalaallit Nunaanni sumiiffeqarpoq timmisartuussiffigissallugit aningaasarsiorfiusinnaanngitsunik. Tamatuma kingunerissavaa sumiiffiit mikinerusut timmisartuussiffiginikinnerunerat, Michael Binzer oqarpoq.

Mittarfissuit amerlanerusut pinnagit Air Greenlandip orniginartinneruvaa Kangerlussuup mittarfissuartut attatiinnarneqarnissaa, taarsiullugulu Nuummi Ilulissanilu mittarfiit taamaallaat 1200 meterinut tallillugit.

– Tamatumuunakkut periarfissaqalissaagut timmisartunik nutaanik atuilernissatsinnut, Michael Binzer oqarpoq, tamannalu peqatigalugu erseqqissarlugu Kangerlussuup silaa Kalaallit Nunaanni aalajaannersaasoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER