Skip to main content

Bussit siulliutikkit

Ukioq manna oktobarip 1-ianiit biilertut bussit kigaallaffiginngippatigit 1.000 kr.-inik akiliisinneqarsinnaalissapput.

Kalaallit Nunaanni angallannikkut inatsitsinut allannguutit oktobarip 1-iani atuutilissapput, isumannaallisaammik unngersaasaqarnissaq inatsisitigut pisussaaffiulissalluni. Unngersaasaqarnaq ingerlatsiguit 500 kr.-inik akiliisinneqarsinnaavutit. Biilmik ingerlatitsisuinnaanngitsoq unngersaasaqartussaatitaavoq. Aamma biilimi ilaasut tamarmik unngersaasaqarfittalimmi issiasut pineqarput.

Kalaallit Nunaanni angallannermut inatsisinut maanna atuuttunut sanilliullugu allannguutit arlaqarput. Ilaatigut bussi bussit unittarfianniit avalassaalersoq tuaviinnaq saneqquteriarneqarsinnaajunnaarpoq. Taamaaliorlutit politiinit naammattoorneqaruit 1.000 kr.-inik akiliisitaassaatit.

Biilmik ingerlatitsitillugit mobilimik tigummillugu oqaluusseqqusaajunnaarputit. Mobilikkut oqaluussinerit politiinit unitsinneqassappat 500 kr.-inik akiliisitaassaatit.

Aalakoornartulimmik imigassartorsimalluni biileraanni promilleqassuseq aamma 0,5 promillemut appartinneqarpoq. Ukiut pingasut iluanni aakkut 1,2 promilleqarlutit biilerlutit pingajussaanik tigusaaguit biilit arsaarinnissutigineqarluni akitsorterussinikkut tuniniarneqassaaq. snescooterint aamma taamaappoq.

Kalaallit Nunaanni biilernermut allagartartaarniarnermut atuagartaa nutaanik ilaneqarpoq. Kisianni kørekortitaarniartup nammineq suli aalajangersinnaavaa biilernermut allagartartaarniarnermut atuagarsorneq biilimillu sungiusaatigalug ingerlatsineq sumi ingerlanneqassanersoq. Allagartartaarniartut namminneq biilernermut sungiusaasoq peqatigalugu piareersinanersoq nalilersorneqassaaq, politimestereqarfik taamak Sermitsiaq.gl-imut nalunaarpoq.

Kalaallit Nunaanni politiit 2007-imi angallannikkut ajutoornerit 166-it nalunaarsorsimavaat. Aalakoornartulimmik imigassartorsimaneq ajutoornerni 49-ni peqqutaaqataavoq.

Unngersaasat pillugit oqaluttuat piviusullu.

Iloqarfinni sukkassuseq ima arriitsigaaq naqitsineq talinnik ingalassimatissinnaallugu.

Naqitsinerup akiorniarnera ajornarluinnarppoq. Inuup kialluunnit noqitsineq/naqitsineq 1 tonsimik sakkortussusilik akiorsinnaanngilaa! Assersuutigalugu 75 kiilunik oqimaassuseqaruit 50 km/t-imik sukkatigalugit qarmamut aporuit naqitsineq 1,5 tonsinik sakkortussusilik akiorniartussaavat.

Airbag-eqarpunga: Airbag unngersaasanut tapertaavoq. Taarsiissutaanani. Unngersaasaqanngikkuit airbag inuunermut toqqaannartumik navianaataassaaq.

Kiggigussaavunga aanaartorujussuullungalu: Apornermi inuit biilinut ilaanni kiggiguttarput. Kisianni biilimut qajannaarsimanngikkuit amerlanernik ajornerusunillu ajoquserujussuarsinnaavutit.

Biili ikuallappat anillassinnaanngilanga: Biili ikuallalissagaluarpat unngersaasaqarnissaq pitsaaneruvoq. Taamaalioruimmi ilisimajunnaannginnissat ilimanaateqarneruvoq, taava unngersat nammineq peersinnaassagakku.

Biiliniit avammut erfagiunneqarama annaanneqarpunga: Ajutoorneq pissagaluarpat biilip iluaniiginnarnissaq isumannaanerpaajuvoq. Ajutoornerni amerlanerpaani biilni ima ajoqusinngitsigisarpoq, biilip ilua annertunerusumik ajoqusissanani. Biilimiit erfagiussaalluni toqutaanissamut ajoquserujussuarnissamullu ilimanaat 5-imiit 10-riaammik annertuneruvoq.

Paasissusissanik tigusiffik: Isumannaatsumik angallannermut Siunnersuisoqatigiit

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER