Niuernermik Iliniarfimmi ilinniagaq nutaaq
TNI Ukioq aallarnisarfik Niuernermik Ilinniarfimmi misileraatigalugu aaqqissuussaavoq, tassani ilinniartut ukioq ataaseq atuarfimmeeqqaariarlutik ukioq ataaseq sungiusaatigalugu suliffimmiittassallutik.
Ilinniartut taamaalillutik iliniarnermik ukiuani siullermi allaffissornerup imaluunniit pisiniarfilerinerup iluani ingerlassanerlutik paasiniarsinnaalissavaat - sungiusaatigalugu suliffissarsiornissaminnut atussallugu. Sungiusaatigalugu sunineq ukiumik ataatsimik sivisussusilik naammassippat ilinniartut atuarfimmut atuagarsoriartorlutik utissapput, tassanngaaniit "TNI-mi ilinniartut nalinginnaasut" atuaqatigilissallugit.
Ilinniartut qulingiluat TNI Ukioq Aallarnisarfik-mi aggutsimi aallartipput, taakkulu Nuummiit, Qaqortumiit, Ilulissaniit Sisimiuniillu aggersuupput.
– Ilinniartitaanerup nutaamik ilusillip aallartinnissaanut sukiniut peqqutit assigiinngitsut tunngavigalugit aallartippoq: Siullermik meeqqat atuarfianniit ukioq manna atuartut soraarummeertut klasseqatigiikkaat marluupput, taakkulu sungiusaatigalug suliffissaminnik amigaateqarlernissaat ernummatigisimavarput. Kisianni aamma sungiusaatigalugu suliffiusartut ilinniartullu atuarfiup sungiusaatigalugulu suliffigisap akornanni uteqattaarnerit ikinnerulersinneqarnissaat kissaatigimmassuk, Per Thomsen Niuernermik Ilinniarfimmeersoq ilisimatitsivoq.
– Ilinniartut tassuuna ilinniarnikkut ilinniagassamik eqqortumik toqqaanissamut sungiusaatigalugu suliffigisinnaasaminut pitsaanerusumik tunngavissaqalernissaa neriuutigaarput - aammalu sungiussaatigalugu suliffigisap ilinniartullu sulinerup nalaani sukumiinerusumik suliffimmut pulasinnaanissaa neriuutigineqarluni.