Skip to main content

Islamimut akersuunnermi kalaallit sakkuupput

Ammip qalipaataanik assigiinngisitsinnginnissamut peqatigiiffik isumaqarpoq, Gellerup Parkenimi ammip qalipaataanik assigiinngisitsilluni kalaallinut saassussisarnerit pillugit akerliussutsimik takutitsinissaq ersinngitsumik oqariartuuneqartoq, AG allappoq.

SIOE-p aamma SIAD-p (Eurpap Danmarkillu islamisiortunngorsarnera unitsilli) Danmarkimi musliminut akiunnerminni Århusimi akerliussutsimik takutsitsinissamut peqataaqqusillutik aggersaanerminni kalaallit sakkutut piaraalutik atorpaat.

Peqatigiiffiit taakku marluk allarluinnarmik oqariartuuteqarput: Musilmit tusaamanerlunneqarnissaat anguniarlugu suulluunniit atorniartaraat. Peter Sommersfelt ammip qalipaataanik assigiinngisitsinnginnissamik suliniaqatigiit Demos-ip oqaaseqartartuat oqarpoq.

SIOE-p aamma SIAD-p kalaallit immikkut ernumaginerunagit Danmarkimi musliminut akersuunnerminnik soqutigisaqarnerunerannut takussutissaasoq taakku internetimi nittartagaanni takuneqarsinnaavoq, Peter Sommersfelt oqarpoq. Tassani ilaatigut atuarneqarsinnaavoq: "Musliminut Europami oqartussaanerpaaniarsarisunut imminitsinnut illersortariaqarpugut".

Århusimi Kalaallit Illuanni pisortaq, Svend Kolte tamatumunnga isumaqataavoq.

- Pisoq imminnut tunngasoq saqqummersinniaannarpaat, taamaalillutillu kalaallit atorpaat. Kalaallit Nunaat kalaallilluunniit ajornartorsiutaat ilisimasaqarfiginngilluinnarpaat, Svend Kolte KNR-imut oqarpoq.

Svend Kolte naapertorlugu kalaallit Gellerupimi najugallit ukiuni kingullerni marlussunni ajornartorsiuteqarsimanngillat, akerliussutsimilli takutitsisoqarpat ajornartorsiuteqartoqaqqilernissaa ernummatigaa.

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER