Amerissaasartup tusaamasap qeqqussat misissorniarpai
Qallunaap amerissaasartup Ole Henriksenip Hollywoodimit tusaamasaasup Kalaallit Nunaanut tikeraarnissani pilersaarutigaa amerissarnermut nioqqutissiaminut kalaallit nunaanneersuut suut atorsinnaanersut misissuiartorniarluni, knr.gl allappoq.
- Nioqqutissianni pinngortiameersut akui atortaqaakka, ilaatigut qeqqussaneersut, amerissaatit akuat pingaarutilik, pissutigalugu eqqissinarlunilu amermut assut sukatsitsisarami, ataatsimullu isigalugu mineralinik ulikkaartoq nakorsaatitullu sunniuttarluni. Kalaallit Nunaat tikeraarusuppara, tunisassianni suut akorisinnaassanerlugit paasiniaajartorlunga.
Ole Henriksenip tunisassiani maannakkorpiaq Nunanni Avannarlerni ilisaritillugit nittarsaappai, tunisassiaalu ilassilluarneqaleraluttuinnarput, minnerunngitsumik Hollywoodumi filmiliaritittartunit tusaamasanit. Ukiup ataatsi ingerlanerani tikeraarsinnaanissani naatsorsuutigaa.
Ole Henriksenip Holywoodimi pisisartuisa ilaat taaneqarsinnaasut tassaapput Naomi Campell, Renée Zellweger, Leonardo di Caprio, Kylie Minogue, Alanis Morissette, Cher, Charlize Theron, Mark Wahlberg, Eminem, Matthew Mc Conaughey aamma Julia Stiles.