Innallagiaarunnerup interneti attaveerutitippaa
TELE-p nuummi qullersaqarfiani innaallagissamik pilersuinermut tunngatillugu sisamanngornerup tallimanngornerullu unnuaani suliaqarnermi kiffartuussiviit arlallit attaveerupput.
Annonse
Taamaanneranik interneti aamma mobiltelefonit internetillu akornanni attaveqaatit nal. 00.30 attaveerunneqarput.
Kiffartuussiviit amerlanersaat ullaakkut nal. 08.00 nallertinnagu aaqqinneqarput taamalu kiffartuussiviit tamarmik ullaap tungaa nal. 10.00 nallinngikkaa attavineqqillutik.
Saniatigut aamma illoqarfiit satelitikkut aattaveqarfinnut upernavimmut, Qaanaamut, Ittoqqortoormiinut aamma Tasiilamut attaviit ajorseriarput, KNR TV-lu attaveerulluni. TELE-p normuanut pingaarnermut, normunik paasiniaavimmut 118-imut aamma atuisartunut saaffiginniffimmut 808080-imut attaviit attorneqarputtaaq.