Arctic Prime sumininnguanik tunineqarpoq
Angallataatilik Arctic Prime Fisheries ukioq manna ningittagarsorluni 300 tonsinik saarullinniarnissaminut akuerisaavoq.
Taamatut ilisimatitsivoq Kalaallit Nunaanni Aalisarnermik Nakkutilliisoqarfimmi pisortaq, Mads Trolle Nedergaard.
Taamaattumik oqartoqarsinnaavoq tunisassiassat annikitsuinnaat pilersaarutit naapertorlugit Kujataani suliffissuarnut tulaanneqassapput. Taamaammat nalunarpoq Arctic Prime Fisheriesip tunisassiassat taakku suliffissanik qulakkeerinninniarluni qanoq iluaqutiginiarnerai.
Suliffeqarfiup pisortaa Kim Høegh-Dam naapertorlugu akuerineqarnermini Nanortalimmi aamma Qaqortumi suliffissuarni tamanna katillugu 60-inut suliffissaqartitsilissaaq, angallat ningittagarsuut holdinut marlunnut avillugit 28-nik inuttaqartussaq.
Aningaasarsiorniarnermi suliffissuaqarfiit taamaattut tatisimaneqareerput. Qaammatini kingullerni saarulliup akia affaannanngungajassimavoq.
Kim Høegh-Dam oqaaseqartinneqarsinnaasimanngilaq.