Skip to main content

Kapisilik 7.600 kroninik akissarsissutaasoq

Gerth Jack Storer Nuummeersoq kapisillip nalunaaqutaa Pinngortitaleriffimmut nassiukkamiuk 7.600 kroninik akissarsissutigaa.

Namminersornerusut taama ilisimatitsipput.

Kapisillit nalunaaqutaannik nassitsisut akornanni makitsinikkut akissarsisitsineqartarpoq. Kattuffik, NASCO, ukiut tamaasa akissarsitsisarpoq.

Kapisillip nalunaaqutaa Canadami 2007-imi kuummi Sydvest Miramchi-mi ikkunneqarsimavoq.

NASCO (North Atlantic Salmon Conservation Organistation) kattuffiuvoq Atlantikup Avannaatungaani kapisillit pinngortitameersut piuinnarnissaannik kissaatiginnittoq. NASCO kapisilinnik nalunaaqutsersuinermik ingerlataqarpoq kapisillit nalunaaqutaannik tunniussisarnissamik kajummissaarisarpoq pitsanngorsaaniarlunilu. Kapisillit aalisarneqartarnerat ingerlaartarnerallu ilisimanerulerniarlugu nalunaaqutsersorneqartarput.

Kapisillit nalunaaqutsersortarnerannut atatillugu ukiut tamaasa akissarsisitsineqartarpoq 1.500 $ - imaluunniit 7.600 kroner – NASCO nunat immikkoortuini aqutaanni ukunani; Amerika Avannarleq, Atlantikup avannamut Kangiani aamma Kalaallit Nunaata Kitaani. Eqquisut NASCO’p ukiumoortumik ataatsimiinneranni nalunaarutigineqartarput.

Kapisillit nalunaaqutaat Kalaallit Nunaanni Pinngortitaleriffimmut nassiunneqartarput.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER