Skip to main content

Biskopip illorsuani Oqaatsinik Pikkorissarfik atoqqaartinneqarpoq

Oqaatsinik Pikkorissarfiup Nuummi biskopip illuarsuarisimasaani immikkoortortaa sisamanngornermi tamanut ammarneqarpoq.

Piffissami tassani najuuttut Pikkorissarfiup takornartat oqaasiisut kalaallisut elektroniskimik ilinniutit nutaat misililaarnissaannut periarfissinneqarput. »Smartboard«-inik taaneqartartut - allattarfissuaasat - iluaqutsiullugit Pikkorissarfiup pisortaata pc-skærmip saavani issialluni ullumikkut kalaallisut qanoq ilinniartoqarsinnaanersoq takutippaa, suliniutip ukiuni sisamani ineriartortinneqarsimasup inernera, e-forumimi misileraatigalugu suliniut namminersornerusut naalagaaffiullu ilinniartitaanerup siuarsarnissaanut inuussutissarsiornerullu ineriartortinnissaanut 2004-mi isumaqatigiissutaatigut 50 millioner koruuninit immikkoortitanit aningaasalersorneqarsimasoq.

Ilinniutip timitatigut teknikkikkullu piginnaasaasa saniatigut programmi sms atorlugu atuartitsinermik imaqarpoq, tassuunakkut oqaatsit kalaallisuut nalunaarutillu ilinniartunut nassiunneqarsinnaallutik. Aamma nakkutilliisoq ilaavoq, assersuutigalugu suleqat kalaaleq kalaallit oqaasiinik ilinniariikkaminnik puiguinnginnissaannik isumaginnittussaq, Nanna Knudseni ilinniartitsissummik nutaamik sananermi suleqataasoq oqaluttuarpoq.

Oqaatsinik Pikkorissarfiup Nuummi immikkoortortaava 1 million koruunit nalinginut nutarterneqarsimasoq Oqaatsinik Pikkorissarfiup siulersuisuisa siulittaasuat Karl Kristian Olsen ilisimatitsivoq. Illutaa oqaluttuarisaanermi pingaarutilik allaffimmilu pequtinik qernertumik-qasertumik nikerartunik qalipaatillit naalakkersuisut nunannaraat.

– Illorsuatoqaq takuminartoq, inuit ilisimaneqarluartut arlallit angerlarsimaffigisimasaat, tupinnartumillu oqaluttuassartalik. Sumiiffiit ilaanni eqqarsartaatsikkut eqqiluitsuunissaq pineqassappat taava illumi maaniuvoq, Kulturimut, Ilinniartitaanermut, Ilisimatusarnermut Ilageeqarnermullu naalakkersuisoq Tommy Marø, Siumut, oqarpoq.

Nuummi Oqaatsinik Pikkorissarfiup immikkoortortaa upernaap ingerlanerani arlalinnik pikkorissartitsisareersimavoq. Pisortaq Johan Meyer naapertorlugu pingaartumik kalaallisut pikkorissarfissat ulikkaarluinnareerput. Taassuma saniatigut nOqaatsinbik Pikkorissarfiup qallunaatut, tuluttut tyskisullu oqaatsinik pikkorissarnissamut neqerooruteqarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER