Skip to main content

Finn Lynge: Suli nunasiaatitut ingerlavugut

– Massakkut nunasiaanermi eqqarsartaaseq nunatsinni atuinnarparput, Finn Lynge tallimanngornermi ICASS-imi isumasioqatigiinnermi oqalugiarnermini oqarpoq. Taassuma siunissami aatsitassanik piiaanissaq pillugu aalajangiinissani annertuuni politikerit innuttaasunut matoqqavallaarujussuarnerat mianersoqqussutigaa.

Ukiuni 250-ini nunasiaatitut aqutsinerup namminersornerullutik oqartussaannerup ukiut qulikkaat ikittuinnaat ingerlaneranni peerunnissaata upperinissaa meerarpallannerussaaq. Nunasiaatilittut eqqarsartaaseq pissusilersornerlu kalaallit politikeriini ingerlaannarsimavoq, kisianni aamma innuttaasut nunami oqartussaasunut naalagarsiortuunerat, taamak ICASS-imi isumasioqatigiinnermi pingaarnertut oqalugiartut siullersaat Finn Lynge eqqarsariaallannartumik oqalugiarpoq.

Politikeriusimasoq, katuullit palasiat inuiaqatigiinnilu oqallissaarisartoq isumaqarpoq, Kalaallit Nunaata Danmarkillu akornanni 1953-imi Kalaallit Nunaat nunasiaataajunnaarsinneqarmat naligiilivittoqanngitsoq. Aamma Kalaallit Nunaat 1979-imi Namminersornerulermat kalaallit naalagaassusermik atugassaqalersinneqarput aammalu inuinnaat namminersornerusuni oqartussaasunut naalaannartussatut naleqqussarput.

Imaappoq ullumikkut nuimanerpaanik politikereqarpugut tamakkiisumik aqutserusuttunik. Taakkua pissaaneq illoqarfiit pingaarnersaannut Nuummut katersorpaat, taamaaliornikkut illoqarfissuaq ataasituaq immikkut qinngorninitsinneqarluni.

– Illoqarfiit allat nunaqarfiillu pillugit oqariartaaseq "taakku sinerissamiittut" nalinginnaasunngorsimavoq - uffa Nuuk nammineq sinerissamiilluni! Finn Lynge erseqqissaavoq.

Taanna isumaqarpoq oqaaseq qitiusoq tassaasoq "pisortat", aqutsisunit qullerpaaniit suut tamarmik tangeqassappata "pisortatigoortumik" oqaatigineqassapput. Aamma Kalaallit Nunaata siunissaa namminersornermullu ingerlajartornermut immap naqqata nunallu iluanit isertitaqalernissamik neriuuteqarnermik aallaaveqartumik sorsuuteqarneq pineqartillugu.

Periuseq marloqiusaq

Finn Lynge naapertorlugu matumani Namminersornerusut periuseq marloqiusaq atorsimavaat: Illuatungaatigut innuttaasut oqaluttuutinngilaat, nunani kimmut sanilerisatsinni aatsitassanik piiaanermik pilersaarutit avatangiisinik ajoqusiinnginnissamik qularnaarinninniarnernik ajornartorsiutaat ilanngullugit najukkami innuttaasunik annertuumik tusarniaatitsisarnerit atorlugit qanoq ilillugit aaqqinniartarneraat.

– Aappaatigullu politikeritta ernumassutissaqanngitsugut aammalu Aatsisassaqarnermut Pisortaqarfik toqqissilluta tatigisinnaagipput neriorsuutigaat. Nikagaluta oqaluuppaatigut, Finn Lynge oqarpoq.

– Naalakkersuisugut socialistiskiusutut imminnut taapput, tulleriissaarinerit atuarfippassuit illutaasa aserfakkassimasorpassuit - tamaani "sinerissami" - aningaasaqarnikkut missingersuusiorfiusussani isumaginninnikut akisussaassuseqartumik tuniluutilernissaat qilanaaraarput, Finn Lynge ICASS-ip isumasioqatigiinnerata Nuummi tallimanngornermi ammarneqarnerani inuiaqatigiinnik ilisimatuunut katersuussimasunut oqalugiarnermini oqarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER