Skip to main content

Peqqinnissaqarfimmi sulinermi ajutoortartut amerlanerpaapput

Sulinermut nakkutilliisoqarfimmiit kisitsisit nutaat takutippaat 2008-mi nuna tamakkerlugu sulinermit ajutoornerit 176-iusimasut. Napparsimmaviit amerlanerpaallutik sulinermi ajutoornerit 48-t nalunaarutigineqarsimapput, knr.gl allappoq.

søren Rendal Dronning Ingridip Napparsimmavissuani allaffeqarfimmi pisortaasoq naapertorlugu imaanngilaq napparsimmavimmi sulineq ulorianartuusoq. Akerlianik kisitsisit upalungaarsimanissap pitsaalluinnarneranut ersiutaapput, ajutoornerit tamarmik nalunaarusiorneqartarlutik, allaat peqqissaasut meqqummik kapinerinnut allaat nalunaarutigineqartarlutik.

- Ajutoornerit tamaviisa nalunaarutigisarpagut, napparsimanermik kinguneqartut kinguneqanngitsulluunniit, Søren Rendal Radioaviisimut oqarpoq.

Sulinermit ajutoornertut nalunaarutigineqartut 10-12-it napparsimanermik kinguneqavissimasut ilaatigut uninngasunut nukersorlutik sakkortusaartarsimasunut attuumassuteqarput.

Uninngasunut nukersorlutik sakkortusaartartunut tunngatillugu peqqinnissaqarfimmi aqutsisut ajiornartorsiut aaqinniarlugu sakkutusaarnerpaasartunik Danmarkimut allartitsisarnikkut aaqqinniarpaat. Saniatigut aamma kalerrisaarutit ilaatigut politiinut toqqaannartumik attaveqartut ikkussuunneqarsimapput. Kiisalu aamma napparsimmaviit suliffigisami pissutsinik nalilersuisarnerit ulluinnarni APV-mik taaneqartartut aallartissimavaat. Immikkoortortaqarfiit ataasiakkaat siuarsimangaatsialersimapput, allat kingulliullutik.

Peqqinnissaqarfinnik aqutsisut immikkoortortaqarfinni APV-mut tunngatillugu siuarsimanerpaani sulisunut iliuusissatut pilersaarutinik suliaqarlutik aallartissimapput. Pilersaarutit malittarineqarnissaat nangitsiveqarnissaallu aqutsisoqarfiup akisussaaffigaa.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER