15-inik ukiulik ujarneqartoq nanineqarpoq
Nukappiaraq Danmarkimi feeriarnini tamaat nammineerluni angalarujoorsimavoq, maannalu ajunngitsoq nassaarineqarpoq.
Annonse
TV2 Øst naapertorlugu DSB-mi sulisup sisamanngornermi ullup-qeqqata nalaani nukappiaraq qimuttuitsuni billeteqarfiginngisamini ilaasoq maluginiarsimava. Peqatigitillugulu pingasunngornermi ujaasinermik nalunaaruteqartorneranit ilisarineqarmat politiit kalerrinneqarsimapput.
Poltiit nakkutilliisut biiliata nukappiaraq Ringsted Stationimi tiguaat, maannalu taanna Gedserimi illumi aasarsiortarfimmut utersimalerluni, tassanilu meeqqat kalaallit nunaanni meeqqat angerlarsimaffiineersut allat peqatigalugit feeriarlutik.
Nukappiaraq 15-inik ukiulik qallunaatut oqalussinnaanngingajammat ippasaq qimaagamili sulerisimanersoq politiit paasisaqarfigivallaarsimanngilaat, TV2 Øst ilisimatitsivoq.