Qulimiguullip Atlantikoq ikaarpaa
Timmisartortartut kalaaleq norgemiorlu ataasinngormat Stavangerimut ajoratik tikipput, qulimiguulimmik ataatsimik motorilimmik USA-p kitaata sineriaaniit Norgemut ingerlaareerlutik.
Annonce
Norgemiu Arve Hetland aamma Upernavimmiu Johan Høegh Hansen Stavanger Flyplass Sola-mut ataasinngormat juulip 21-iani nal. 14.00 mipput. helistars.no naapertorlugu Skandinaviamiuni siullersaallutik qulimiguulimmik ataasiinnarmik motorilimmik USA-p kimmut sineriaaniit Europamut timmisartorput.
Timmisartortartut marluk nalunaaquttap akunnerini marlukkaarlutik timmisartumik ingerlatitsisarsimapput, kisianni tallimani timmisinnaasarlutik. Qulimiguulimmi nerisassaqarput, ajutoornermi taquassamaateqarlutik, annanniarnermi atisassamaateqarlutik, annanniuteqarlutillu allanik atortussamaaterqarput. Aamma aqqutaani nannumik naammattuissinnaanerminnut aallaammik sillimmateqarsimapput.