Skip to main content

Illoqarfimmiut akissakinnerit atugarissaarnerupput

Assigiimmik akeqartitsinissamik nutarterinerup illoqarfinni anginerusuni arlalinni akissannerusut kaasarfimmiussaqarnerulersikkai nalunaarusiami saqqummersussami inerniliigallarnerit taamak nipeqarput.

Akerlianik nunaqarfinni avinngarusimanerusunilu innuttaasut pigissaarnerusortaat aningaasakilliornerulersimapput. Tamanna Attaveqarnermut Avatangiisinullu Naalakkersuisoqarfiup nalunaarusiaani suli saqqummiunneqanngitsumi inerniliinerugallartut takutippaat, knr.gl allappoq.

- Assersuutigalugu ilinniarsimanngitsut marluk marlunnik meerallit illoqarfinni anginerusuni najugaqartut, soorlu Ilulissani, Sisimiuni Nuummiluunniit, atugarissaarnerulersimapput. Tamanna misissuinitsinni erseqqissumik takussutissaqarpoq, Raasmus Sembach Olsen Avatangiisinut nakkutilliisoqarfimmi Pilersuinermut allaffimmi pisortaq oqarpoq.

Rasmus Sembach Olsen naapertorlugu assigiimmik akeqartitsinerup atorunnaarsinneqarnera innuttaasunut tigussaasumik qanoq sunniuteqarsimanera aningaasanngorlugu suli nalilersorneqarsinnaanngilaq.

- Uuliap akitsoriartorneri naatsorsuinitsinnut suli ilanngutinngilagut, taamaattumik kisitsisit inaarutaasut suli pissarsiarineqanngillat, Rasmus Sembach Olsen aalajangersaavoq. Aamma ilanngullugu oqaatigaa Kalaallit Nunaanni innuttaasut tamarmik uuliap akiisa qaffakkiartornerat qularutissaanngitsumik malugissagaat.

Namminersornerullutik Oqartussat Kalaallit Nunaanni assigiimmik akeqartitsineq ukiut pingasut matuma siornagut atorunnaarsippaat. Kisitsisit Inatsisartut ukiamut ataatsimiilerpata aatsaat tamanut saqqummiunneqassapput. Politikerit tassani kisitsisit oqallinnerminnut toqqammavigissavaat.Ukiaanerani ataatsimiinnerit septembarip 19-iani aallartissapput.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER