Skip to main content

Mittarfimmi iluliusat

Mittarfeqarfiit tupaallaatigaat JyllandsPosten-ip atuisunut nittartagaani fpn.dk-imi allaaserisaq. Tassani ilaatigut allaaserineqarmat Narsarsuarmi mittarfimmut iluliusat tipisartut. – Taamatut naammattuuisimanngisaannarpugut, taama mittarfeqarfinni pisortaq Jesper Juhl erseqqissaavoq.

Narsarsuarmi mittarfik nunarsuarmi mittarfiit navianartut akornanniittoq JyllandsPosten-ip atuisunut nittartagaa www.fpn.dk marlunngorneq augustip tallimaani saqqummiussivoq.

– Mittarfimmut nunnikkiartornermi timmisartortartoq 90 grade-nik sangusariaqartarpoq missinaajumalluni. Taassuma saniatigut timmisartoq aalaqqajaasarpoq sila ajorajuttarmat, aammalu iluliusanik timmisartup miffissaanut tipisoqarsinnaalluni, taama allappoq fpn.dk.

Mittarfeqarfinnili pisortap Jesper Juhl-ip tamanna isumaqatiginngilaa.

– Mittarfimmut iluliusanik tipisoqartarnera piumasaarsorneruvoq. Taamatut naammattuugaqarsimanngisaannarpugut, taama Jesper Juhl Sermitsiaq.gl-imut oqarpoq.

– Aamma ilumuunngilaq timmisartumut aalanartuaannarneranik oqarneq. Timmisartumut ilaatigut aalanarsinnaasarpoq kisianni mittarfiit qaqqanut qanittut tamarmik taamaattarput.

– Kisitsisaatitta takutippaat 2007-imi timmisartut Narsarsuarmut tikinniartut kinguaattoortut 412-uusut. Tamakkuli assigiinngitsorpassuarnik pissuteqarsinnaapput. Timmisartoq kingusinaarluni aallarsimasinnaavoq, aqqutaani assorsinnaavoq aammalu nuissat appasippallaarsinnaallutik Oqaatigisinnaavarput piffissaq eqqorlugu mittut 898-iummata , taama Jesper Juhl oqarpoq.

Air Greenland-imi Narsarsuarmut timmisartuussikulanersaasumi pisortaq Michael Binzer oqarpoq Narsarsuarmut timmisartuussiniarneq ajornakusoorsinnaasartoq.

– Timmisartortartut Narsarsuarmut ingerlassisussat misilittagaqarluartuusariaqarput timmisartortavullu taamaapput. Kisianni ilumoorpoq Narsarsuarmut timmisartuussiniarneq ajornakusoortarmat aqqutillu aalajangersimaqqissaartut aqqutigalugit taamaallaat mikkiartortoqarsinnaavoq. Timmisartorsuarput angineq »Norsaq« Narsuarsualiarneq ajorpoq sanngorluppallaarami taamaallaalluni »Kunuunnguaq« Narsarsualiartittarparput. Kisianni aamma uanga mittarfimmi iluliusanik takunikuunngisaannarpunga, taama Michael Binzer oqarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER