Skip to main content

Nunat inoqqaavisa ulluat FN-imi nalliussineqartoq

Arf. aggustip 9-anni Nunat Inoqqaavisa ulluat ullumikkut New Yorkimi FN-ip qullersaqarfiani nalliussineqarpoq.

Nalliussinerup qulequtaraa ”nunat inoqqaavisa naalagaaffiillu akornanni oqaluttuarisaanermi pisimasut isumakkeerfigeqatigiissutiginissaat ataqqeqatigiinnikkullu ingerlaqqinnissaq”.

Nalliussineq FN-p qullersaata Ban Ki-Moonip nalunaarutaannik ammarneqarpoq. Ban Ki-Moonip pingaartillugu ilaatigut oqaatigaa oqaluttuarisaanermi nunat inoqqaavinut pinnitttarsimanerit uteqqinngissaat pingaartoq isumakkeerfigeqatigiinnerlu aqqutigalugu ataqqeqatigiilluni inuiaqatigiittut immikkuullarissutut ningerlaqqiittariaqarneq.

Nunat inoqqaavisa atugaat pillugit isummersoqatigiiffiup (Permanent Forum on Indigenous issues) siulittaasuata Victoria Tauli-Corpusip ilaatigut oqaatigaa ukioq manna 15-issaa ullup nalliussineqarnera immikkut pingaarutilik. Taamatut oqarnerminut immikkut taasai tassaapput februaarip 13-ani 2008 Australiami naalakkersuisut siulittaasuata nunap inoqqaavinut nungusaasimanerit pillugit utoqqatsernera, junip 11-ani Canadami naalakkersuisut siulittaasuata nunap inoqqaavinut kusananngitsunik pinnittarsimanerit pillugit utoqqatsernera minnerunngitsummillu julip 3-ani 2008 Japanimi naalakkersuisut siulittaasuata Ainu-t nunap inoqqaavisut inuiaqatigiittullu akuerisaanerannik nalunaaruteqarnera.

- Utoqqatsinerit akuerinninnerillu oqaasiinaasanngillat aallarniutaasallutillu akaareqatigiilluni inuiattut akuereqatigiilluni ingerlariaqaqqinnissamut, Vicky Tauli- Corpus oqarpoq.

Nalliussineq kulturikkut takutitsinertaqarpoq aqagulu ullup ingerlanerani New Yorkimi sumiiffinni assigiinngitsuni aamma takutitsisoqartassalluni.

FN-ip Suliat pillugit Siunnersuisoqarfiani ICC-p ilaasortaa Hjalmar Dahl nalliussinermi peqataavoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER