Skip to main content

Ilaqutariinnut ataatsimiitsitaliamut pakatsisoq

Nuummi angajoqqaarsiaasartut peqatigiiffianni siulittaasup Ellen Sofie Chemnitzip pakatsissutigaa, ataatsimiitsitaliap ilaasortai nunat avannarliit peqatigiiffiata Nuummi isumasioqatigiisitsinerani peqataanngimmata.

Nunani avannarliiti ilaqutariinnut inissiiviusartunut isumasioqatigiisitsinissaani Nuummit septembarip 8-ni 9-anilu ingerlanneqartussami naalakkersuisunut ilaasortat inatsiartulluunniit ilaqutariinnermut ataatsimiitsitalliaani ilaasortat peqataanianngillat.

- Nunat avannarliit isumasioqatigiisitsinissaannut novembarimili Nuummi pisussatut nalunaarutigereernikuusatsinnut nunatta politikeriisa tamak annikitsigisumik soqutiginninnerat assorsuaq pakatsissutigaara, Ellen Sofie Chemniz oqarpoq.

Naalakersuisunut ilaasortaq inatsisartullu ilaqutariinnermut ataatsimiitsitaliaata politimester Steen Silberg Thomsen peqatigalugu piffissami tassanerpiaq Danmarkimi eqqarsartaatsimikkut ajuutilittut pineqaatissinneqarsimasunut inissiisarfinnut kalaallinik pinerluuteqarsimasunik inissiiviusunut tikeraartussaasut ataatsimiitsitaliami siulittaasoq Isak Davidsen oqarpoq.

Angalanissaq taanna februarimi marsimilu pilersaarusiorneqareersimavoq.

- Ilaqutariit inissiiviusartut qaaqqusissutaat ataatsimiitsitaliap ilaasortaanut sapaatip akunnerani kingullermi nassiussuunneqarsimavoq, taamaalineranilu angalanissaq alla taanna qangali pilersaarusiorneqareersimavoq, Isak Davidsen oqarpoq.

Kisianni ilaqutariit inissiiviusartut isumasioqatigiinnissaanni nunatta politikeriinik ilaasoqanngitsuussanngilaq, tassami ilaqutariinnut ataatsimiitsitaliap sinniisuni isumasioqatigiinnissamut peqataatissavai.

Ilaqutariit inissiiviusartut isumasioqatigiinnissaat nunani avannarlerni ilaqutariit inissiiviusartut kattuffiat 'Nordic Foster Care Association' suleqatigalugu aaqqissuunneqarpoq. Kalaallit Nunaata saniatigut aamma Sverigemiit, Norgemiit, Islandimiit Savalimmiuniillu peqataasoqassaaq.

Kalaallit Nunaanniit qaaqqusaasunut ilaapput naalakkersuisut siulittaasuat aamma Nuup Kommuneani isumaginninnermut ataatsimiitsitaliap siulittaasua.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER