Itilleq 75-inngortorsiorpoq
Nunaqarfik "Itillimi isumaqatigiissut"-mut atatillugu atsioqatigiinnermi tusaamasanngortoq ukioq manna ukiunik 75-inngortorsiorpoq. Nalliuttorsiorneq sapaatipa akunnerata tulliani ingerlanneqassaaq, meeqqannut inersimasunullu sammisassarpassuaqassalluni.
Nunaqarfik Itillimi niuertoruseqarfittut 1847-mi tunngavilerneqarpoq, kisianni 1933-imi maannakkut inissisimaffigisaanut qeqertami Itinninnguamut nuunneqarpoq, inuussutissarsiornikkut pissutsit allanngormata. Nuutitsinermiit ukiut 75-inngornerat sapaatip akunnerata tullianni nalliussineqassaaq, sapaatip akunnera naallugu innuttaasut nalliuttorsiussallutik.
Nalliuttorsiorneq inersimasunut festertitsinermik arfininngorpat aggutsip 23-iani annerpaaffeqassaaq, aqaguanilu sapaammi ataatsimoortumik nunaqarfimmi innuttaasut tamarmik peqataaffigisaannik iluarsaassisoqassalluni.
Meeqqat tallimanngornermi festissapput, ulluni taassuma tungaanoortuni arsaattoqassaaq, saqqummersitsisoqarluni, oqalugiartoqarluni katerisimaartitsisoqassallunilu.
Itilleq 2003-mi Kalaallit Nunaata Danmarkillu akornanni atsioqatigiiffiuvoq, taamanikkut Kalaallit Nunaata nunanut allanut tunngasuni piginnaatitaaffini annertusimmagit. Nunaqarfik 2004-mi kunngissaq Frederik-imit kunngissallu nulianik Marumit tikeraarneqarpoq.
Nunaqarfiup innuttaasa aamma nunaqarfiup 1847-mi tunngavileqqaarnera nalliuttorsiutigissavaat. Nunaqarfiup tunngavilerneqarneraniit ukiut 160-inngornerat 2007-imi Sisimiut kommuniani nalliuttorsiutigineqarpoq.