Skip to main content

Avannaata Kommunea

Ikaarsaariarnermut ataatsimiitsitaliap kommunit arfineq-pingasut kommuunerujussuanngornissaani atissaa ilisarnaatissaalu akuersissutigaa.

»Qaasuitsup Kommunia«, - taamak nunarujussuarmi Kangaatsiamiit Qaanaamut isorartussusilimmi kommunissaq 18.000-inik innuttaqalersussaq ateqassaaq.

Atissaanik siunnersuuteqartut qulingiluat taamatut siunnersuuteqarsimapput. Taakku akissarsiassat 12.000 kruuniusut avissavaat. Atissaanik unammisitsinermut 89-it peqataasimapput atissanik assigiinngitsunik 45-50-inik siunnersuuteqarsimallutik.

Ikaarsaariarnermut ataatsimiitsitaliap aamma ilisarnaatissaq nutaaq akuersissutigaa, eqqumiitsuliortumit Kristian Flymit Ilulissaneersumit suliarineqarsimasoq. Ilisarnaatissap suliareqqissaarnissaa amigaatigineqarpoq, taamatut ilisarnaatissanut piumasaqaatinut naapertuuttunngortinneqassammat, Avannaani aaqqissuussaanermut allattoqarfimmeersoq Hans Peder Barlach Christensen oqarpoq.

Ilisarnaatip imarai qimussit, arsarnerit, aput, qaammat seqinerlu.

Qaanaami 7. klassemi atuartut ilisarnaatissamut siunnersuusiarpassuit nassiussimasatik pillugit 1000 kr.-inik kajumissaaserneqarput.

Kommunip atissaa ilisarnaatissaalu pillugit unammisitsinermi qassit peqataasimanersut suli tamanut saqqummiunneqarsinnaanngillat. Kommunerujussuassami innuttaasut innuttaasullu sinneri unammisitsinerup inerneri pillugit paasissutissanik sukumiinerusunik saqqummiussivigineqarumaartut Hans Peder Barlach Christensen oqarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER