Skip to main content

Canadap issittup sikua killilerpaa

Canadamiut isumaqarput, Sikuijuitsup naqqa Canadamut Danmarkimullu atasoq. Taamaalilluni Issittumi pisuussutinik piginnittussaanermut oqartussaanerngusaannermi periarfissagissaarnerulersoq Berlingske Tidende allappoq.

Canadap Danmark sinnerlugu issittup imartaata naqqani pisuussutit pillugit piginnittulerngusaannermut tunngatillugu ajugaassutaasinnaasoq annertooqsaqqummiuppaa.

Canadamiut pinngortitami pisuussutit pillugit ministeria Gary Lunn isumaqarpoq, canadamiut danskillu misissuinerisa uppernarsaraat, Qaasuitsup imartaata naqqani qatsinnersaq Lomonosov Ryggen nunatamigut Canadamut Danmarkimullu atasuusoq, taamaattumillu nunat taakku marluullutik piginnittuunertik piumarisinnaagaat.

Canadamiit oqaaseqaatip maluginiarneqaqisup Canadap Danmarkillu FN-ip imartamik piginnittussaanermut eqqartuussiveqarfianik issittumi imartap nunartaata ilarujussuanik piginnittuuniarneranni upperinnilersitsiniarnerminni periarfissarissaarnerulerput, naak imartaq tamanna nunat taakku marluk 200 sømilinut killeqarfiata avataaniikkaluartoq.

Canadap piginnittuunermut piumasaqaatini kingusinnerpaamik 2013-imi tunniutissavaa, Danmarkip ukiup tulliani. Lomonosov Ryggen-i Kalaallit Nunaannut atasuunera pillugu Danmarkip FN-ip ataatsimiitsitaliarsua qularunnaarsissinnaappagu Danmarkip Qaasuitsup imartaani imartaq 200.000 kvadratmeterinik annertussusilik, ilaatigut Qalasersuaq, piginnittussaaffigalugu piumasarisinnaavaa.

Lomonosov Rygenimik misissuinerit pisariaqartut pillugit Danskit ilisimatuui canadamiut ilisimatuuinik suleqateqarput.

Kisianni canadamiut politikeriisa misissuinerup inerneri qatsinnersap canadamiunit pigineqarneranik paasinneqqajaalereersut misissuinerit Danmarkimi mianersornerusumik tiguneqarput.

Nunavissuup toqqavianik pilersaarummik taaneqartumi aqutsisuusup De Nationale Geologiske Ungersøgelser for Danmark og Grønæand-imi vicedirektørip Flemming Christiansenip ilisimatitsissutigaa, Qaasuitsup naqqa Danmarkip suli misissuiffigiaa.

»Kisianni paasissutissat maannamut takkuttut soqutiginarput,« nangippoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER