Skip to main content

Upernavik mattunneqarpoq

Upernavimmi angallannikkut periarfissat ajungaarmata Upernavimmi innuttaasut Kalaallit Nunaata sinneranit avinngarusimasumiittutut mattussaasimasutullu misigisimapput, knr.gl allappoq.

Arctic Umiaq Line-p Upernavik umiarsuarnik sinersortaatinik ukiualunnguit matuma siornagulli tikissaarpaa. Timmisartumullu ilaaniaraanni timmisartumi inissat Uummannamut Qaanaamullu angalasussat avitseqatigisariaqarput. Taamaannerata Upernaviup Kommuneani atuisartut siunnersuisoqatigiivisa siulittaasuat Samuel Mørch apererusulersippaa, oqartussaasut Upernavik inuerunniarneraat.

- Tamanit nalungeqanngitsutut umiarsuarnik sinersortaatinik aasaanerani angallassinerit tamarmik uninnikuupput, siornatigullu innuttaasut naammaginnginnerat apuuttarsimavagut. Sumininnguamik iluaqutaanngitsumik - paasinarsivoq. Tusaaniarneqannginnerput qatsulluinnarparput. Maanna isumaqarpugut pineqartoq qaqileqqittariaqalersoq. Umiarsuarnik sinersortaatinik angalaqqilernissamut periarfgisseqqitsigut, Samuel Mørch oqarpoq.

Upernavimmi eqqaanilu innuttaasut timmisartumi inissaminnik utaqqipput, inuillu ataasiakkaat timersoqatigiiffiillu umiatsiaaqqani aquuteralalinnik imaatigut navianartutigut uteqattaarlutik angalapput, pingaartumik Upernaviup Uummannallu akornatigut SIgguk-tigut.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER