Skip to main content

Japanimiut Nuummi eqqissineq pillugu suliniuteqartut

Japanimiut umiarsuaat takornariartaat aqagu Kalaallit Nunaannut tikippat tassunga atatillugu eqqissinissaq pillugu nalinginnaanngitsumik nalliusitsissapput, taannalu Nuummi borgmesterip peqataaffigissavaa, knr.gl allappoq.

Nuup borgmesteria Nikolaj Heinrich aqagu Japanimiut umiarsuaat takornariartaat aatsaavissuaq kalaallit nunaannut tikippat eqqissinissaq pillugu nalinginnaanngitsumik malunnartitsisoqalerpat peqataassaaq. Umiarsuaq Clipper Pacific japanimiut takornariat 1000-t ilaasoralugit Nuummi umiarsualivimmut tulassaaq.

Umiarsuaq takornarianik angallassiinnarnani aamma nunarsuaq tamakkerlugu eqqissineq pillugu suliniaqatigiinnut "Peace Boat" - Eqqissinerup Umuarsuaa - ilaavoq, umiarsualivinnut umiarsuup tulaffigisaani tamani illoqarfiup borgmesteria qinnuigineqartarpoq eqqissineqarnissaa pillugu nalunaarummut atsiussasoq, tamatumani ilaatigut pineqarluni illoqarfiup tikitap atominik sakkussianik siammarterisoqarnissaanut akerliuneq suliniutigissagaa.

Suliniut taanna japanimiut illoqarfianit Hiroshima-mit aallartippoq, nunarsuarmi atomimik qaartartuliat siullersaat sorsunnersuup aappaata naalernerani illoqarfimmut tassunga nakkartinneqarluni. Borgmester Nikolja Heinrich aqagu atsiornissaminut qilanaarpoq, umiaruarmi nalliuttorsiorpalaartumik ingerlatsinermi.

- Ippassaani saaffiginnissut tigugakku atsiornissamut ingerlaannaq angerpunga - ilaatigut nalunnginnakku Kalaallit Nunaanni inuppassuit uranimik piiaanissamut atominillu sakkussianut akerliusut. Takornariarnerup eqqissinearnissaanillu suliniarnerup ataqatigiisinneqarneri eqqumiiginarsinnaavoq, kisianni isumaqarpunga suliniut pitsaasuusoq. Umiarsuaq nunarsuarmik kaajallaasussaalluni illoqarfippassuarni borgmesterit atsioqataaqqullugit neqeroorfigisussaavaat. Nammineq inuttut - pinngitsaalisaanngitsumillu, borgmesteri oqarpoq.

Clipper Pacific-ip saniatigut aamma amerikamiut takornariartaassuat Aurora Nuummut tikissaaq - taamalu illoqarfiit pingaarnersaanni aqagu 3000-inik takornariaqarnissaa naatsorsuutigineqarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER