Seqernup pulanissaanut sapaatip akunneri pingasut

Astronomit umarsuarmillu takornarissat takusassaq qaqutigoorluinnartoq misiginiarlugu Qaanaaliaaniarput, knr.gl allappoq.

Issittup Avannarpiaani aggutsip aallaqqaataani seqineq tamakkerluni pulasoq misigineqarsinnaassaaq. Seqernup tamakkerluni pulanera Kalaallit Nunaani Qaanaap aavannaani Etah-miit misigineqarsinnaassaaq, Norgemi pisoq Issittup imartaani qeqertat Svalbard-it avannarlersaanni Kvitøya-mi misigineqarsinnaassalluni.

Qeqertaq tamanna pujoraluttuuvoq nuissallu pukkitsimiikkajullutik, taamalu astronomit taamaannera nalaakkusunngilaat. Taakkua norsket nunataani ukiut 118-it ingerlanerini seqernup tamakkerluni pulanerisa kingullersassaata misiginissaa qulakkiivinniarlugu SAS-ip timmisartuutaanik attartorsimapput.

Tamakkivilluni pulaqqaneq minuttinik marlunnik sekundinillu 14-inik sivisussuseqassaaq. Kisianni timmisartup qaammatip tarraa kujammut kangimut malittarissussaammagu pulanermut tiguartitsimaartut taakku minuttini marlunni sekundinilu 45-ni taarmiussapput. Piffissami tassanni timmisartumi ilaasut seqernup seqersimanerata qaamarna (korona) takusinnaassavaat, aammalu ullorissat planetilluni qilammi erseqqissut takusinnaassallugit.

Kalaallit Nunaata qulaagut seqernup ulanissaa aamma atronominik umiarsuarmillu akornarianik ussagartitsivoq, tamakku Qaanaaliaassapput takusassarlu qaqutigoortoq taanna misigissallugu.

Kalaallit Nunaata sinnerani aamma pulaneq takuneqarsinnaassaaq, naakk ilaannakuusussaagaluartoq. Assersuutigalugu nuummi seqernup 60 procentia pulassaaq.

Powered by Labrador CMS