Qallunaat takornariat marluk ajunaartut

Nutaaq: Angutit qallunaat marluk 70-ink 73-inillu ukiullit sapaatiummat Uummannak Kommuneani Ukkusissat eqqaanni sermip uukkaasup eqqaani kuummit sakkortuumik supisumit eqqorneqarlutik ajunaarput.

Bygden Ukkusissat ligger nord for Uummannaq.

Politiassistent Carl Borup Ummannami politeeqarfimmeersoq KNR Radioaviisimut oqarpoq, takornarissat ataatsimoortut sermip iigartartup sinaani qattunermi assiliiniartillugit ajutoornerq pisimasoq.

- Isiginnittut oqaluttuarput, tassanngaannaq qannguluttorsuanngorsimasoq, soorlu qulimiguuleqarpaluttoq, kinguninngualu kuuk sakkortoorujussuarmi supisoq tungiminnut ingerlasimasoq.

Takornariat tallimat malinnit amusaapput. Pingasut qaqinneqartut angutit utoqqaat marluk sarfamit sakkortuumit nusunneqarlutik morsuginneqartut annaanneqarsinnaasimanngillat, Carl Borup ilisimatitsivoq.

Angut taakku marluk toqusut ilaqutaat Københavnip eqqaamiuusut ilisimatinneqareerput.

Tusagassiorfinnut nalunaarut Politimetsereqarfiup ataasinngornermi ualikkut nalunaarutaa naapertorlugu takornariat ataatsimoortut sapaatiummat Ukkusissat eqqaani Kangerluarsummi Kangerluarsuup Sermiata eqqaani pinguttassuarmut ingerlanneqarsimapput.

- Pinguttammi sivisulaamik uninngariarlutik ataatsimoortut taakku nal. 17-ip misaani tatsimiit pinguttaap ungataaniittumit kuuk qarsutsilluni sakkortuumik supisimavoq. Pinguttaq qarsunneqarpoq, takornariallu arlallit takornariartaammilu inuttat ilaat ataaseq tasinngortamut sioraaniittumut kuugussaapput. Ajunaartut marluk kisiisa pinnagit sinneri tamarmik nunamut qaqinneqarlutillu takornariartaatip gummibådisnut ikineqarput, politimesteri allappoq.

Periarfeerunneqartut aappaa 73-inik ukiulik ajunaarsimasoq nassaarineqarpoq. Politiit nal. 18.40 ajunaarneq pillugu kalerrinneqarput, ingerlaannarlu Ukkusissaniit angallammik attartukkamik ujaasiartorlutik aallarlutik. Periarfeerusineqartup aappa angut 70-inik ukiulik nal. 21 missaani ipisimasoq nassaarineqarpoq.

Politiit naapertorlugit takornariartaat ataasinngornermi ullaakkut Uummannamut tikippoq. takornariat takornariartaammilu inuttat nakorsamit politiinillu niuffiorneqarlutik.

Powered by Labrador CMS