Allattuuaraq tammartajaartoq

Piniartoq John Josefsen Nuummeersoq pingasunngornermi unnukkut angallammini nerinialerluni tupatsinneqarpoq umiatsiaata eqqannguani allattuaarannguaq qarlormat. Puiseeraq angallatip tungaanut ingerlammat seqquatigut nissillugu tigusimavaa, ilisimasimagunanngivippaami inuunini ulorianartorsiortoq-

– Toqunnissaa nalligivikkakku Nuummut angerlaappara, taama John Josefsen Sermitsiaq.gl-mut oqaluttuarpoq.

– Uuttunngilara allattuuarannguaq qanoq angitiginersoq, kisianni qiviuerutereersimavoq. Eqqoriarpara immaqa anorersuarnerani puttaamiit nakkarsimassasoq taamalu ilani qimassimassallugit, taama John Josefsen oqarpoq.

– Maanna tassa Nuummiippoq. Kangerlummukaatissamaarpara pinngortitamut utertikkiartorlugu. Kisianni oqarnavianngilanga sumi. Kisianni Green Peace oqaluttuutikutsoorsinnaavarsi uagut puiseeqqanik toqoraaneq ajortugut, sianigisarpagut pinngortitamullu uterteqqillugit. Puiseeraq maanna "Juuju"-mik taagorpara isumaqartinngikkaluarlugu sooq taamatut taagornerlugu, taama John Josefsen oqarpoq.

Maanna Nuummi Great Greenland-ip ammeerniarfiani baaliarsuarmi naluppoq. Nalunarluinnaqaaq piniarnernilersaarut taanna qanoq naajumaarnersoq.

Puiseraq pillugu video-mi ilanngutassiaq uani takusinnaavat.