Skip to main content

Internetikkut soraarummeerneq

Nuummi Niuernermik Ilinniarfimmi ilinniartut arlallit interneti atorlugu soraarummiissapput. Tamanna misiligutitut aallartinneqartoq maanna ineriartorteqqinneqassaaq.

Pia Haastrup massakkut Ilulissaniippoq, nuussinnaanngilat naartunini pissutigalugu, taarsiullugu napparsimanerup kingorna soraarummeernissaraluanut taarsiullugu sisamanngorpat juunip 19-iani Piap aamma soraarummeersitsisussaq censorilu Nuummiittut akornanni internetikkut attaviliisoqassaaq.

– Nasassaa Ilulissanut nassiunneqareerpoq aamma akileraartarnermut ingerlatsivik ikiortigalugu taakkua internetiat atorsinnaalersimavarput, tassuunakkut webcam aamma skype atorlugit soraarummeerneq ingerlassinnaassallutigu, taamak Niuernermik Ilinniarfimmi nunanut allanut attaqatigiissaarisartoq Per Thomsen Sermitsiaq.gl-imut oqaluttuarpoq.

Atortussat atuagassat powerpointinngorlugit siumoortumik nassiunneqareersimapput, taamaalilluni ilinniartoq uppernermut tuppermut nuuttoqassatillugu oqaannarsinnaasassalluni. Pia Haastrup 20 minutsini saqqummiissaaq, aamma soraarummeersitsisoq censorilu minutsini 20-ini apersuisinnaassapput. Taamalu inutsit 45-t ingerlanerinnaanni soraarummeerneq naammassineqassaaq Pia Haastrupillu narsartaani Ilulissanut nassiunneqareersimasoq NI atisinnaalissallugu.

– Qangatuut soraarummeertup, soraarummeersitsisup sencorillu inimi ataatsimooqatigiitillugit sorarummeertarneq atorunnaarsinnianngilarput. Kisianni interneti atorlugfu soraarummeernermi najoqqutassiat tamarmik malinneqarput. Webcameralerlugu immaqa allanalaarsinnaassaq, aappa assitai kingusinaaruteqalaarsinnaapput. Kisianni soraarummeernissaannut immaqa ukiumik ataatsimik utaqqinissaraluanut taarsiutigissallugu atortuuvoq pitsaasoq, Per Thomsen oqarpoq.

Tamanna ukioq ataatsip matuma siornatigut allatut ajornartumik aaqqiigallarnertut aallartinneqarsimavoq, taamanikkut ilinniartoq ingerlaqqissinnaajunnaarmat. Skype atorlugu attaviliisoqarpoq, soraarummeernerlu iluatsilluartumik naammassineqarluni.

Tamatuma kingorna ilinniartut pikkorisartullu interneti atorlugu soraarummeertalersimapput.

– Aamma annertoorujussuarmik sipaarutaavoq. Ilitsersuisartussatut pikorissartut 20-it interneti atorlugu soraarummeersissimavagut. Soraarummeerneq minitsinik 30-inik sivisussuseqarpoq, taamalu timmisartukkut angalanissaq, hotelit kaasarfimmiussallu atussagaluaraanni akisoorujussuuvoq, tamakkulu sipaarutigaagut. Uteqqissavara qangatuut soraarummeertarneq eqqarsaatiginngilluinaratsigu. Periarfissamik maanna takkuttoqarpoq, taannalu kabeli immap naqqagoortussaq atuleriarpat suli pitsaanerulissaaq, Per Thomsen oqarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER