Skip to main content

Ilimanaq pinngortitaq avatangiisillu pillugit nersornaaserneqarpoq

Ilimanami innuttaasut silami arsakoorfinnik inissitsiterisimallutillu ukiut tamaasa ataatsimoortumik saligisitsisarput. Atuarfimmi pisortaq soraarneq Arne Kyed Qaqortumeersoq pnngortitamik avatangiisinillu nersornaaserneqarpoq, angerlarsimaffimmini lejrskolemi seqernup nukinganik kiassaatinik ikkussuisimanermigut.

Aatsitassanut avatangiisinullu naalakkersuisoq Kim Kielsen Ilulissat kujataani nunaqarfimmut Ilimanamut tikissaaq, tassanilu checki 25.000 kr.-inik nalilik nunaqarfimmi aqutsisut siulittaasuannut Fritz Johansenimut tunniutissallugit.

– Assersuutigalugu nunaqarfiup innuttai ukiumut marloriarlutik ataatsimoortumik saliisarput. Atuartut naggataamik atuarnissartik sioqqullugu nunaqarfiup iluani saleersuartinneqartarput. Taamaalilluni nunaqarfimmiut kinguaariit tamarmik nunaqarfimmi avatangiisit paarivaat. Tamannalu maamma takornarianit nunaqarfimmut tikittartuit maluginiarneqartarsimavoq. Nunaqarfimmi avatangiisinik mianerinninnermut assersuutissaq tigussaasoq alla tassaavoq, arsakoorfissuarnik inissitsiterisoqarsimammat, taamaaliornikkut cigarittit kimmivikui nunaannarmut iginneqartartut ikinnerpaatinneqarsinnaassammata, Namminersornerullutik Oqartussat tusagassiorfinnut nalunaarummi allapput.

Atuarfiup pisortaa soraarneq Arne Kyed aamma pinngortitamut avatangiisinullu nersornaatisivoq.

– pissutigalugu taanna lejrskolemi, nammineq ukioq naallugu angerlarsimaffimmini illuaqqamilu aasarsiortarfimmini seqernup nukinganik kiassaateqarfinnik ikkussuisimagami. Kiassaatip taassuma imeq illulerinermut atortussaq kiassartarpaa, taamaalilluni oliemik atuineq millisinneqarluni. Suliniut tamanna oliemik atuinermut millisaanermut peqataavoq, taamalu suliniut avatangiisinut iluaqutaasoq. Allatoortumik nukissiuutinik atuineq ulluni makkunanisilaannaap allanngoriartorneri pingaartumik Kalaallit Nunaanni takussaalluartuneranni oqariartuutaavoq pingaarutilik, Namminersornerullutik Oqartussat allapput.

Arne Kyed juulimi nersornaatitsillunilu 30.000 kr.-inik akissarsisinneqassaaq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER