Skip to main content

Hans-Pavia Rosing 60-iliivoq

Hans-Paviap nipini politikkimi, isiginnaartitsivimmi erinarsoqatigiinnilu tusartitarsimavaa. HAns-Pvia Rosing ullumi 60-iliivoq.

Hans-Pavia Rosing seminariami ilinniartitsisuusimasup Folketingimullu ilaasortaasimasup Nikolaj Rosingip nuliatalu Marie Rosingip erneraa. Marie Nuummi ataqqinaammik innuttaavoq illoqarfimmilu utoqqaanersanut ilaalluni.

Hans-Pvia Rosing ilaatigut kalaallisuumiit tuluttuumut translatøritut ilinniarsimavoq, aaqqissuisuusimasorlu Jørgen Fleischer naapertorlugu kalaallit ikittuinnaat akornanni oqaatsit nunarsuarmioqatigiinit atorneqarnerpaamut piginnaasaqartoq. Nuummiu taanna folketingimut inatsisartunullu ilaasortaasimasoq ullumikkut nammineq suliffiuteqarluni nutserisuullunilu ataatsimeersuarnissanik aaqqissuussisarpoq.

Rosing 1987-imiit 2001-imut Siumut sinnerlugu Folketingimi ilaasortaavoq, Socilademokraatinik suleqateqarluni. Peqatigitillugu amerikamiut Thulemi radarersuaq sakkugalugu qaartartorsuarnut igeeriuttakkanut illersuusiorniarnerannut akerliusuusimavoq. Hans-Paviap malugitinniarsimavaa, Danmarki Qalasersuup eqqaani piginnittussaanermut tunngasutigut siusinaartumik iliuuseqarniartariaqartoq.

Hans-Pvia Rosing Kalaalit Nunaani piffissami 1983-1984-imi inatsisartunut ilaasortaavoq, aammalu 1986-1987-imianingaasaqarnermut naalakkersuisuulluni.

Rosingip Kalaallit Nunaanni. Canadami Alaskamilu Inuit ataatsimoornissaat sulissutigisimavaa. 1980-imi Inuit circumpolar Conference-imi siullersaalluni præsidentiuvoq, tassanilu 1986 tikillugu siuttuulluni. 1975-imi World Coucil og indigenous Peoples-imik pilersitseqataavoq.

Kulturip tungaatigut aaqqissuusaanikkut, taalliortup silarsuaagut isiginnaartitsinerullu aqqutaagut ingerlasimavoq. Erinarsoqatigiinnik NIPE-kuunnik pilersitseqataavoq, aammalu tv-kut isiginnaagassiami 1975-imi "Den Blåøjede Satan" isiginnaartitsissusiamilu "Fiasko" 1965-imeersumi atuakkioqataasuusimalluni.

»Hans-Pavia inuttut angisuujuvoq. Eqqissisimasuuvoq tatiginartuullunilu. Aamma tusarnersumik qatituumik nipeqarpoq« sapaammi inuuissiortumik ilisarititsisoq Jørgen Fleischer Sermitsiami sapaatip akunnerani uani saqqumersumi taamak ilisarititsivoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER