Attartortut ineqarnermut 71 millioner koruuninik akiligassaqarput
Maanna attartortut siusinnerusukkullu attartorsimasut Namminersornerullutik Oqartussanut kommuninullu akiligassat akilerneqanngitsut amerligaluttuinnarput.
70.669.499,58 kouruunit.
Pisortat - Namminersornerullutik Oqartussat kommunillu - inissiaataannik maanna attartortut siusinnerusukkullu attartorsimasut akiligassaat taamatut amerlatigaat. Tamanna takuneqarsinnaavoq inissiaatileqatigiiffiup INI-p julip 17-ianni naatsorsuinerani.
Akiitsut tamakkua ukiup ataatsip matuma siornatigornit 2,9 millioner koruuninik amerlanerupput. 2007-imi julip 17-ianni akiligassat 67,8 millioner koruuniusimapput.
2007-imut 2008-mullu kisitsit takutippaat, akiitsut amerlanerpaartaat tassaasut najugaqartunit, inissiaminnit nuussimasunit. Taamaasilluni 2008-mi tamakkua akligassaat 55,9 millioner koruuniupput.
Aningaasarpassuit tamakkua najugaqarfeqatigiinni najugaqartutut agguataarneqarput, taamaattumik najugaqarfinni ataasiakkaani akiliinerluttartut saniliisa akiliuttarpaat.