Finn K.-p qilalugartaq isoraa

Naalakkersuisunut ilaasortaq isumaqarpoq, pisaqarneq Kalaallit Nunaata tusaamaneqarneranut akorsiillunilu arfattassat amerlineqarnissaannut akornusiissasoq.

Kalaallit Nunaat arferit pillugit ataatsimiitsitaliarsuarmi IWC-mi ilaasortaaginnassaaq, Aalisarnermut Piniarnermullu Naalakkersuisoq erseqqissaavoq.

– Isumaqartoqarpoq arfattassat uagut nammineerluta aalajangertassagigut, nunallu allat akuliuttariaqanngitsut. Kisianni eqqarsariartaaseq taamaattoq uanga nammineerlunga isumaqatiginngilara, knr.gl naapertorlugu Finn Karlsen oqarpoq.

Taassuma Ilulissat avannaani kangerlummi sapaatiummat qilalukkamik unioqqutitsilluni pisaqarneq illersunngilaa.

– Unioqqutitsilluni piniarneq akuersaarsinnaanngilluinnarpara, Finn Karlsen oqarpoq.

Naalakkersuisunut ilaasortap erseqqissarpaa unioqqutitsilluni toqutsineq Kalaallit Nunaannut nuanniitsumik nalaatsinerusoq, Kalaallit Nunaata nungusaataanngitsumik arfanniartarnini pillugu ulluni makkunani IWC-mi nunarsuarmioqatigiit upperinnilersinniarsarai. Neriuutigineqarpoq, ilungersornerit pisassiissutaareersut qipoqqarnik qulinik pisassinneqarnissamik kinguneqarumaartut.

– Maannakkut kiisami iluatsissanganarseruttortoq (qipoqqartassat, aaqq.) nutaarsiassaq assut nuanniitsoq tusarpara. Tamanna ajoraluartumik kinguneqarnerlussinnaavoq, Finn Karlsen oqarpoq.

Powered by Labrador CMS