Skip to main content

Illersornissamut sakkutuut olie-mik kalerrisaarut unitsippaat

Suunersoq kajortoq Qeqertarsuup avannamut kitaaniittoq olieminngaaneersuunngilaq, qularnanngitsumilli quajaataassagunarlutik.

Kalaallit Nunaanni Sakkutooqarfik pingasunngornermi Kangerlussuarmi Flight information Center-imiit Canadamiulli oqartussaasuiniit oliemik mingutsitsisimasinnaaneq pillugu attavigineqarpoq. Air France-p timmisartuutaa ilaasartaat (PArisimiit Seattle-mukartoq) sumiiffimmi 70 49 N - 057 28 W-imi (Qeqertarsuup avannamut kitaani) kajortumik sunaanersumik takusaqarsimavoq. Suunersoq 30 sømil-inik isorartussuseqarsimavoq.

Air Greenland attavigineqarpoq, taamalu DASH 7 sumiiffimmut taaneqartumukartinneqarluni, takusaq nalunaarutigineqartoq takusarniarlugu.

Sumiiffik qulangiuaareerlugu mingutsitsinerusinnaasumilluunniit pasinartoqanngitsoq paasineqarpoq. Pineqartumi pujulaaraluarpoq, kisianni allanarsinnaasumik takussaasoqanngilaq.

Umiarsuaq nakkutiilliissut aamma aallartinneqarpoq, nalunaarutigineqartoq sukumiinerusumik misissuiffiginiarlugit. Nakkutiilliissutip qulimiguulia atorlugu pineqartup eqqaa misissuiffigineqarpoq, taamalu sumiiffinni sisamani kajortoq sunaanersoq takuneqarpoq.

Tamanna kajorneraq imanni tukimut 20 - 30 meterinik takissusilimmik annertussuseqarpoq. Tassanngaaniit misissugassanik tigusisoqarpoq, oliemillu tipeqanngitsoq paasineqarluni, akerlianilli quajaatinit pinngorsimasinnaaneranik peqquteqarsorinarluni. Misissugassatut tigusat sukumiinerusumik misissorneqassapput, katersuussimasut soorpiarnersut paasiniarlugit, Kalaallit Nunaanni Sakkutooqarfik tusagassiorfinnut nalunaarumminni paasissutissiipput.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER