Skip to main content

Kangia-Kitaa Qaqiffimmut naaggaarpoq

Ikaarsaariarnermut Ataatsimiititaliap imigassamik ajornartorsiutilinnik katsorsaasarneq 2009-mi januarip aallaqqaataani akisussaaffigilerusuppaa, kisianni Qaqiffik ingerlatsisuussanngilaq.

Aalajangiineq taanna Ikaarsaariarnermut Ataatsimiititaliami ilaasortat amerlanerussuteqartut junip 20-ani pingajussaanik ileqquusumik ataatsimiinnerminni aalajangiuppaat. Aalajangiineq tusarniaanermi akissutitut Ilaqutariinnermut Peqqissutsimullu Naalakkersuisoqarfimmut nassiunneqassaaq, nuuk.gl allappoq.

Frederiksberg Centerimik nutaanik isumaqatigiissusiorusunnginneq tunngavilersorlugu Ikaarsaariarnermut Ataatsimiititaliami siulittaasoq Asii Chemnitz Narup allappoq, Ikaarsaariarnermut Ataatsimiititaliap pingaartikkaa siunissami katsorsaasarnermi katsorsaanermillu nangitseqqinnermi neqeroorutinik eqaannerusunik amerlanerusunillu neqerooruteqartalernissaq, taakkulu isumaginnittoqarfimmi kiffartuussinermi akuutinneqalissasut aammalu kommunimi najugarisami naleqqussagaassasut. Ikaarsaariarnermut Ataatsimiititaliaq nangippoq:

- Pingaartinnneqarpoq immikkut ilisimasallit qitiusumik ingerlatsinerisa saniatigut imigassamik ajornartorsiutilinnik katsorsaanermik ilisimasalinnik suleqatigiinnik misilittagaqartunik, ilinniarsimasunillu suleqateqarnikkut neqeroorutinik najukkani tunngaviliisoqassasoq aammalu najukkani AA-ni oqaloqatigiittartunik pilersitsisoqassasoq.

- Taamatuttaaq imigassamik ajornartorsiutilinnik katsorsaasartunik siornatigut Qaqiffimmi/Frederiksberg Centerimi attuumassuteqarsimasunik atorfinitsitsinissamik neqerooruteqartoqassaaq.

Ikaarsaariarnermut Ataatsimiititaliami isumaqartoqarpoq suliniuteqarnermi kommunalbestyrelsit allat, suliffeqarfiit namminersortut neqerooruteqartartullu suleqatigineqarsinnaassasut, tamatumanilu katsorsaasarnernik neqerooruteqartarnermi naliliiuartarnissaq pingaartinneqassalluni.

Peqqinnissaqarfik imigassamik ajornartorsiutilinnik katsorsaanermut missingersuusiornerni ikaarsaariarfiusuni 2009-miit 2011-mut 4,5 mio. koruuninik aningaasaliissutissatut akuersisimavoq tamatumalu saniatigut illumik nutaanngilisumik taarsiinissamut 5,3 mio. koruuninik ataasiartarissanik akuersissuteqarsimalluni. Kommunit imigassamik ajornartorsiutilinnik katsorsaasarnermik 2009-mi januarip aallaqqaataani ingerlatsilissappata aningaasat taakku kommuninut atugassanngortinneqassapput.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER