Skip to main content

Kaj Kleist ukiamut soraassaaq

Namminersornerusut atorfilittani qullerpaartaata Kaj Kleistip novembarimi issianini qimassavaa.

Naalakkersuisut siulittaasuat Hans Enoksen naalakkersuisoqarfimmi pisortassamik nutaamik atorfinitsitsisariaqarpoq. Maannakkut pisortaasoq Kaj Kleist, 64, sermitsiaq.gl-imut ilisimatitsivoq, nammineq novembarimi soraarnikkunngussalluni.

– Novembarimi ukiukka naammatsippata tunuassaanga, taamak naalakkersuisoqarfimmi pisortaq Kaj Kleist, 64, novembarip 11-iani 65-iliisussaq oqarpoq.

Kaj Kleist ilinniartitsisutut ilinniarsimasoq Qaqortormiu 1990-imi Namminersornerullutik Oqartussani sulilerppoq, Sulisartut Højskoleanni ilinniartitsisutut atorfimmiit Kulturimut, Ilinniartitaanermut suliffissaqartitsiniarnermullu pisortaqarfimmi pisortatut sulilerluni. Taamanikkorniilli naalakkersuisuni nikittaattuni ulloq manna tikillugu qullersatut atorfeqarsimavoq. Namminersornerullutik Oqartussat aallartilaarneranni Kaj Kleist KUAK-imi 1979-80-imi siulittaasuusimavoq (Kalaallit Nunaanni uranimik piiaanissamut akerliusut). Aamma EF-imut akerliunermut suleqatigiiffimmi ANISA-mi 1981-82-imi paasititsiniaanermut aqutsisuusimavoq, tamanna Kalaallit Nunaata Atuagaa Qorsuk 2001-02-mi atuarneqarsinnaavoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER