Littauer nakkutiginiarpaat
Ammassallip Kommuniata qulakkeerniarpaa Karen Littauerip nutaamik aalassatsitsinnginnissaa, meeqqanik isiginnaartitsinermik suliniuteqarnerminut atatillugu.
Karen Littauerip Ammassallip Kommunianut kollegiami ininik qinnuteqarsimavoq naatsorsuutigigamiuk aasaq manna sapaatip akunnerini arfinilinni Tasiilami isiginnaartitsinermik suliniummut, nammineq pisortaaffigisaminut atatillugu, meeqqanik unnuiartorfigineqartassalluni.
Kommunip fritidsinspektøriata Harald Biancop tamanna ilumoornerarpaa, Karen Littauerili itigartinneqarsimavoq oqarpoq.
- Inunnut arfiniliinnarnut, suliniummut attuumassuteqartunut, ininik tunineqassaaq, Harald Bianco oqarpoq.
Taassuma innersuussutigaa inuit allat qitornaat namminermi unnuisinneqaannarsinnaanngitsut.
Ammassallip Kommuniata qulakkeerniarpaa Karen Littauer, kingullermik 2007-imi Qaanaami suliniuteqarnermisulli, kommunimi meeqqat atugaannik tusagassiorfitsigut isornartorsiuinnginnissaa, ajornartorsiutit kommunimi oqartussaasunut saqqummiuteqqaarnagit.
- Imaanngilaq pissutsinik isornartorsiueqqusaanngitsoq, isornartorsiuisoqassappalli ajornartorsiutinillu tikkuaasoqarluni tamakkua uagutsinnut saqqummiuteqquagut, akulerunnissamut tunngavissaqarpatm isummerfiginiassagatsigit iliuuseqarfigalugillu, Harald Bianco oqarpoq
Karen Littauerilli ajornartorsiutit nipangiusimaannarnianngilai, misigisaqaruni suliniummini meeqqanik paarineqarlutaqartoq.
- Meeqqanik atugarliortoqarpat isiginngitsuusaarnavianngilakka.
Sermitsiaq atuaruk...