Skip to main content

Inatsisartuniit Kunngikkormiunut puisip amiinik tunissutit

Katittunut Joachimimut Mariemullu Great Greenlandimiit taski puisip amianik sanaaq, Kunngissaq Frederik 40-nik ukioqalersussaq puisip amianik sanaamik aallaammut puumik tunissilluni.

Taamak inatsisartut siulittaasuat Ruth Heilmann ilisimatitsivoq.

– Tusareerparput prins Joachim aamma Marie Cavallier Kalaallit Nunaannut angalanissamik tunisittut. Taamaattumik taskinik atorfissaqartitsiumaartut eqqarsarpugut, Ruth Heilmann sermitsiaq.gl-imut oqarpoq.

Aamma Kunngussamut Frederikimut ataasinngorpat maajip 26-iani 40-liisussamut tunissut isumaqarpoq.

– Nalunngilarput Kunngissap Frederiup Kalaallit Nunaat nuannarigaa, minnerunngitsumik tassani piniartut. Taamaattumik neriuutigaarput Kalaallit Nunaannut ilaanni tammajuitsussarsiniarluni piniariarluni tikeraassasoq, taamaattumik aallaasianut puussamik puisip amianik sanaamik tuniniarparput, Ruth Heilmann oqarpoq.

Tunissutit Det gule Palæ-mut tunniunneqareerput, inatsisartut allattua Dorthie Lyberth ilisimatitsivoq.

Danmarkimiikkaanni Kunngissaq ataasinngorpat nalunaaqutaq 12 Amalienborgimi aneerasaartarfimmiit kunngikkut, nuliani, ernerat Chrisitan paniallu Isabella ilagalugit aalaterilerpat pilluaqqujartorneqarsinnaavoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER