Skip to main content

Siunissamik sinnattut

Kalaallit siunissamut sinnattui internettikkut saqqummiunneqassapput.

Suliniummi "Sinnattukka - Kalaallit Nunaata siunissaa"-ni kalaallit siunissamut sinnattui pineqarput, soorsuugaluarpata sunnguugaluarpataluunniit. Suliniummik tamatumannga ingerlatsisuupput assiliilluni tusagassiortoq Esben Nielsen aamma tusagassiortoq Olle Mølgaard, Danmarks Journalisthøjskolemeersut, Sermitsiaq aammalu Morgenavisen JyllandsPosten suleqatigalugit.

– Suliniutitsigut oqaluttuariniarparput inuiaqatigiit qanoq ittut inuunerlu qanoq ittoq kalaallit sinnattorineraat. Taamaasiorniarpugut pissutigalugu Kalaallit Nunaata siunissaa pillugu ukiuni aggersuni pingaarutilinnik aalajangiisoqartussaammat, Esben Nielsen aama Olle Mølgaard suliniutertik pillugu oqarput.

– Oqaluttuatsinni naleqartitat anguniakkallu sinnattukkut saqqummiunneqartut, siunissamut neriuutinik piumassutsinillu takutitsissapput. Takutitsinerit tamakkua tikkuussissapput inuuneq qanoq ittoq kalaallit ingerlakkusunneraat tamannalu inuiaqatigiinni qanoq ittuni pissanersoq, taakkua suliniutertik pillugu oqarput.

Kalaallit sinnattui internettikkut saqqummiunneqassapput Sermitsiap quppernera nittartagaq aamma JP.dk aqqutigalugit nipilerlugit, allannertalerlugit, assilialerlugit videolerlutillu, ilanngussat assigiinngitsut katersorneqareerpata suliarineqareerpatalu.

Suliniut pillugu annertunerusumik atuarsinnaavutit uani.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER