Kalaaliaqqat Danmarkimi efterskolemiinnissamut piareersimasanngillat
Kalaaliaqqat piffissami sivikitsumi Danmarkimi efterskolemiikkaluarsinnarlutik angerlaannartariaqaleraangamik nallinnartaqaat. Kalaallit Nunaanni aallartussanik nalerlersuisarneq pitsaanngippallaarsimavoq, Klank Efterskolep forstanderia taama isumaqarpoq.
Niviarsiaraq ullut marluk qaangiutiinnartut sapilerpoq. Pinngitsaalipajaarlugu efterskoleliartinneqarsimavoq.
– Nammineq efterskoleliarumasanngilluinnaraluarpoq. Alla, nukappiaraq, højskoleliartussaanasorisimavoq. Siornalu aamma niviarsiaqqat marluk qaammatit marluk qaangiutiinnartut sapilerput, nukappiararlu eftereskolemiinnini saperlugu napparsimalerluni.
Ulrik Andersen, Klank Efterskolemi forstanderiusoq taama oqaluttuarpoq. Efterskolelu taanna ukiut tamaasa kalaaliaqqanik tallimat-arfinilinnik, qallunaajaqqat 100-it missaanniittut peqatigalugit efterskolemiittussanik tigusisarpoq.
Ulrik Andersenip pingaartumik efterskoleliartussanik nalilersuisarneq pitsaanngippallaartutut isigaa. Kalaalliaqqat efterskolemi sungiussinngitsoortarnerannut aamma oqaatsinik pisinnaasakippallaarneq peqqutaaqataasarpoq.
Sermitsiaq atuaruk.