Skip to main content

Enoksen: Nunatta aalajangiinerni peqataanissaa pingaaruteqarpoq

- Silap pissusiata allanngorarnera siulliulluta malugisarparput, taamaattumik pingaaruteqarpoq suleqatigineqarnissarput, naalakkersuisut siulittaasuat Hans Enoksen oqarpoq.

Ilulissani Qalasersuaq pillugu ataatsimeersuarnermi, nunat tallimat Qalasersuarmut killeqarfillit nunanut allanut ministeriinit peqataaffigineqartumi, naalakkersuisut siulittaasuat Hans Enoksen isumaqarpoq pingaaruteqartoq oqallinnerni aalajangiinernilu issittumi najugallit peqataatinneqarnissaat, tusarniarneqarnissaat ataqqineqarnissaallu.

- Ataatsimeersuarnermi oqaloqatigiissutigisassagut, oqallisigisassagut aalajangigassagullu pingaarutillit annertuumik sunniuteqartussaapput, issittumuunnaanngitsoq, nunarsuulli aamma sinneranut. Issittumi najugaqarpugut ulluinnarnilu pinngortitamik atuisuulluta, taamaatytumi pingaartipparput aalajangiinerni pinngortitap uumasullu eqqarsaatigineqarnissaat.

- Nunarsuarmi atugartuusut silap pissusiata allanngorarneranik oqaluttuukkusukkaluaraatigut uagut siulliulluta tamakkua malugisarpavut. Ilami maani aalisartut piniartullu siullersaallutik paasisimavaat silap pissusia allanngortoq Hans Enoksen oqarpoq.

Ataatsimeersuarnermi issittup imartaani pinngortitap uumasullu illersorneqarnissaat aalajangiiffissat pingaarutillit ilagaat. Titanic-itut ajunaarnersuarmik pisoqaqqunagu issittup imartaani umiarsuarnik angalanermi nunat ataatsimoorlutik isumannaatsuunermut malittarisassaqassapput. Ataatsimut malittarisassaliortoqarniarpoq umiarsuit qaleriinnik timitaqassasut, aammalu oqaloqatigiissutigineqassalluni ajunaarnersuaqarpat qanoq iliortoqassanersoq. Ullumikkut malittarisassaqanngimmat assersuutigalugu umiarsuit takornariartaatit ajutoortoqartillugu ikiortissaqanngilluinnarput. Taamaattumik pingaaruteqarpoq issittup imartaani umiarsuarnik angalanermi ajunaaratarsinnaanerup annikillisarnissaa.

- Neriuppunga suleqatigiinneq oqaasiinnartiguussanngitsoq, aammattaarli ataatsimeersuarnermi aalajangiinerit aamma kinguneqartinneqassasut. Siusinnerusukkut oqartareersimavunga nunarsuup sinneranut annertuumik akisussaassuseqartugut. Pingaartumik issittup imartaata siunissami qanoq atorneqarnissaanik, aammalu isumannaatsuunermut apeqqummi, Hans Enoksen oqarpoq.

Qalasersuarmik peqarniunneq eqqarsaatigalugu nunat atsioqatigiinniarput inatsit tamatumunnga atuutereersoq malinneqassasoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER