Skip to main content

"Kammalaatigiiaanneq" ajornartorsiutaavoq

Ilisimatusarfik suliniaqatigiiffillu Transparancy International Danmark Kalaallit Nunaanni kammalaatigiinneq aallaavigalugu atorfinitsitsisarneq pillugu oqallinnissamut qaaqqusimmata Ilisimatusarfiup inersua ulikkaavippoq.

Kammalaatiiginneq aallaavigalugu atorfinitsitsisarneq Kalaallit Nunaanni ajornartorsiutaavoq. Tamanna amerlanerpaat, politikerit, ilisimatuut, inuiaqatigiinnik isornartorsiuisartut inuussutissarsiornermillu ingerlatallit, qulequtaq aalassassimaartitsilluarsimasoq pillugu oqalliseqataanissamut aggersarneqarsimasut, isumaqatigiissutigaat. Aamma atorluagaanera inuiaqatigiinnullu ajoqutaanera amerlanerpaanit isumaqatigineqarpoq.

Atorfilittat politikerillu pissaanertik atornerlullugu ikinngutinik, ilaquttanik imaluunniit parteeqatigisanik sallinngortitsisarnerisa qanoq ilillugu pinngitsoortinniarneqarsinnaanera politikerit sassarsimasut paatsuugassaanngitsumik nassuiaatissaqartinngilaat.

Nikoline Ziemerip Sorlaat Partiianneersup assersuutigalugu siulersuisuni inuttalersuisarnermi ammanerusumik paasiuminarnerusumillu ingerlatsisarneq ujartorpaa, Jensine Berthelsenip Atassummeersup nakkutilliinermik ingerlatsiviit qularnaatsut pisariaqartinneqarnerat tikkuarpaa.

- Kammalaatinik atorfinitsitsisarneq pissaanermillu atornerluisarneq pinngitsoortinniaraanni ingerlatsisarnermut inatsisit sakkussatut naammannersut misissortariaqarparput, Jensine oqarpoq.

Kuupik Kleistip IA-meersup qaqugukkut kammalaatigiinneq tunngavigalugu atorfinitsitsisarnerit, kammalaatigiiaannerit akilertillunilu peqquserluuteqartarnerit pisarnersut oqallinnermi ujartorpaa.

- Paatsiveerusimaarfiusinnaasut arlalissuupput, taamaattumik ajornartorsiutip qanoq ittuunera qanorlu atugaatiginera qulaajassallugu pisariaqarpoq, Kuupik oqarpoq.

Jonathan Motzfeldtip siumumeersup kisiartaalluni ajornartorsiut soqutaavallaannginnerarpaa.

- Qanitarisanik atorfinitsitsisarneq assigisaallu pillugit pasilleeqattaarnissat mianersuuttariaqarput, tamakku politikerit akornanni suleqatigiinnermut pitsaasumut toqunartuupput.

Jens B. Frederiksen demokraatineersoq oqallinnermi peqataanngilaq.

Tusagassiortup Elna Egedep pissutsit isornartoqartitat qulaajarneqarneranni tusagassiorfiit atuuffiat erseqqissarpaa.

- Tusagassiorfiit pisut amerlasuut qulaajartarpaat, naak sulisut atugassarititaasullu annikikkaluartut, kisianni paasineqartunut innuttaasut sukannernerusumik qisuariartarnissaat pisariaqarpoq, iliuutsillu kingunerisassanik naliliillutik, Elna oqarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER