Skip to main content

Airbus Københavnimut uterpoq

Kangerlussuarmi sakkoortuumik anorlernera pissutigalugu Air Greenland-ip Airbus-ia Københavnimut uterpoq

Kangerlussuarmi anorip sakkortuup allanngorartullu Air Greenlandip Airbus-ia Norsaq ullumi missinnaatissimanngilaa. Tamannalu GL781-ip aamma GL782-ip ilaasuisa kinguaattoornerinik nassataqassaaq. Airbus-i maannakkorpiaq Keflavik-imut ingerlaarpoq orsersoreerunilu Københavnimut ingerlaqqissalluni, Air Greenland nalunaarpoq.

Silassamillu nalunaarut naapertorlugu unnuarornissaata tungaanut anorlerallassaaq.

Ilaasussat 29. maj aallartussaagaluit tallimanngornermi majip 30-annut nuunneqarput, Air Greenlandip Airbus-i marloriartissammagu. Timmisartuussineq taanna unnukkut pisussaassaaq (tassa GL1783/GL1784-tut), Kalaallit Nunaannit Danmarkiliartut nal. 23:40 aallassallutik Københavnimullu nal. 08.00 apuullutik. Københavnimiit Kangerlussualiartussat nal. 21:45 aallassapput Kangerlussuarmut nal. 22:25 apuutissallutik.

Nunatta iluani Atlantikoq qulaallugu timmisartuussinernut naleqqussakkanik immikkut timmisartuussisoqassaaq, Nuummukartut tallimanngornermi nal. 24:00 missaani apuutissapput, ilaasullu Maniitsumut, Aasiannut, Ilulissanut Sisimiunullu ingerlasussat arfininngornermi apuutissapput.

Sisamanngornermi tallimanngornermilu allakkat nassiussallut ulloq unnuarlu ataaseq kinguaattuussapput. Sisamanngornermi nassiussat tallimanngorpat apuutissallutik tallimanngornermilu nassiussat arfinginngorpat apuutissallutik.

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER